2024-06-19
HomeEkintza PolitikoaLangabezia ondorio sozial larriak eragiten ari da

Langabezia ondorio sozial larriak eragiten ari da

Otsailean erregistratutako langabeziaren bilakaera oso desberdina izan da Hego Euskal Herriko lurraldeetan, Nafarroa izan baita langabeziak gora egin duen herrialde bakarra. Hain zuzen ere, aurreko hilabetean baino 1.261 langabe gehiago zenbatu dituzte Nafarroan, eta langabeziara baturiko 3 pertsonatik 2 (kopuru garbietan) emakumeak izan dira.

Aurreko urteko hilabete berarekin alderatuta, enplegu zerbitzu publikoek 20.800 langabe gehiago zenbatu dituzte Hego Euskal Herrian. Horrek esan nahi du %15,7ko igoera izan dela gizonen artean eta %12,3koa emakumeen artean. Baina gazteek jaso dute kolperik gogorrena, urtez urteko hazkundea %34,5ekoa izan baita.

Bake-garaian ezagutzen den beherakada ekonomiko handiena da, eta ondorio sozial larriak eragiten ari da. Hala ere, egoera ahulenean zeuden kolektiboek pairatzen dituzte lan-baldintzen okertzearen ondorio txarrenak.

Krisiaren aurreko egoerak lehendik zeuden gizarte-arrailak handitzen laguntzen zuen. Hiru izan dira desberdintasun horiek areagotzeko faktore nagusiak: enpleguaren prekarietate eta hauskortasun handia; soldata arrakalak gero eta handiagoak izatea eta legeriak gutxieneko soldata duina ez bermatzea; eta babes sozialerako sistema ahulak izatea politika sozial atzerakoien ondorio gisa.

Bestalde, jarduera ekonomikoa gelditzeak kontratazioaren beherakada handia eragin du, eta, ondorioz, egiturazko langabezia-maila altuari lan-aukerarik eza gehitu behar zaio.

Horrela uler daiteke zergatik izan den iraupen luzeko langabezia langabezia osoaren %50, duela urtebete ehuneko hori %44 zen bitartean.

Egoera horrek kalte egiten die lan bila ari diren pertsona guztiei, baina bereziki gazteei, laneratze-fase betean baitaude; baita 55 urtetik gorakoei ere, birziklatze profesionalerako zailtasun gehiago baitituzte eta oso egoera zailean baitaude etorkizuneko erretiroari begira.

Paradoxikoki, gaur egun, lanpostuen berreskurapena errazteko modurik eraginkorrena ez dira enplegu-politikak, baizik eta berragerpenak prebenitzea eta txertaketa-erritmoak bizkortzea, batez ere EAEn, Espainiako Estatuaren azken muturrean baitago emandako dosien ehunekoari dagokionez.

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.