Gaur, azaroak 15, langile bat bizitza galdu du laneko istripu batean. Hildako langilea, 37 urtekoa, Abanto Zierbanako Sercrisa enpresan lanean zegoen, eta garabi bat manipulatzen zegoela biga metaliko batzuek gainera erori zaizkio. Bertan zendu da.

Lehenik eta behin, LAB sindikatutik gure elkartasuna eta babesa adierazi nahi diegu hildako langilearen familia eta gertukoei. Azken heriotz honekin , 41 dira, gutxienez, Hego Euskal Herrian hildako langileak. LABentzat onartezina da behin eta berriz istripu mota hau errepikatzea, non enpresek lan segurtasunean agertzen duten utzikeriak langileen osasuna kaskartzen eta bizitza eteten dituen, ez dituztelako neurririk hartzen istripuak saihestearren, gutxiengo segurtasun baldintzak berma daitezen.

Lan istripuak erantzule zuzenak ditu; alde batetik, patronala, irabazi ekonomikoak lehenesten dituelako langileen segurtasun eta bizitzaren aurretik; bestetik, Administrazio Publikoen jarrera dago, sarraski honen aurrean beste aldera begiratzen dutelako, egoera honen konplize bilakatuz. Lan osasunari buruz hitz egiten dute, baina bultzatzen dituzten politikak prekarietatea sustatzen dute. Pausuo bat aurrera emateko ordua da, arduradunak seinalatzeko eta ordain dezatela exigitzeko unea.

LABen argi dugu laneko indarkeriarekin amaitzeko lan eta bizitza duina bermatu behar direla, lanetik onik eta bizirik bueltatzeko eskubidea dugulako. Eredu berri bat gauzatu behar dugu, langileon bizitza eta osasuna lehenetsiko dituena.

Lan sindikatutik lanean eta borrokan jarraituko dugu langileon eskubide, segurtasun eta osasunaren alde. Dei egiten dugu hurrengo orduetan antolatu daitezkeen salatze mobilizazioetan parte hartzera.