2024-07-21
HomeZerbitzu PublikoakEusko JaurlaritzaLanbideko zuzendaritzak zentsura ezarri nahi die langileei, bere gaitasun eza estaltzeko

Lanbideko zuzendaritzak zentsura ezarri nahi die langileei, bere gaitasun eza estaltzeko

Lanbideko langileen kalterako diren kudeaketari lotutako erabakiak, eta Jaurlaritzak informazio eskubidea – negoziazio kolektiborako ezinbestekoa – beste behin urratu duela salatu dute ELAk, CCOOk, LABek, eta UGT sindikatuek.

LANBIDEKo ELA, CCOO, LAB, eta UGTren salaketa
Lanbideko zuzendaritzak zentsura ezarri nahi die langileei, bere gaitasunik eza estaltzeko

«Egunetik egunera okerrera doa Lanbideko egoera.
Lanbideko langile talde guztiok ditugu kexarako arrazoiak barne kudeaketa dela eta ez dela, eta gainera, euskal gizartean errotu den langabezia handiak, langileon eguneroko jardunean eragiten du zuzenean.

Urte luzea daramagu borrokan, manifestazioak, elkarretaratzeak, edota lanuzteak tartekatuz. Alabaina, arazoak ez dira konpondu, eta zenbait kasutan okerrera egin dute.

ELAk, CCOOk, LABek, eta UGT-k langileon kalterako diren kudeaketari lotutako erabakiak, eta Jaurlaritzak informazio eskubidea – negoziazio kolektiborako ezinbestekoa – behin eta beste behin urratu izana salatu nahi dugu. Orain artekoarekin nahikoa ez, eta EPE baten berri eman dute, Alkorreko Mahaian ezer aipatu ere egin gabe!

Lanbideko zuzendaritza urduri ageri da mobilizazioen eraginez, antza, eta horregatik zenbait langileri mehatxuak zuzendu dizkiete, debekatu egin dute zuzendaritzari berari edo Funtzio Publikoari emailak bidaltzea eta LPZ bidezko baten eta lanpostuz nahiz kalitatez ondo hornitutako zerbitzu publikoen defentsa aldarrikatzen duten pankartak jartzea.

Errezetak oso bestelakoa behar luke baina. Langileekin negoziazio zintzoa, eta mehatxuak etetea. Lanbideko ordezkaritza sindikalak ez du onartuko gure lantokietan mehatxuzko eta presiozko giro bat ezar dadin, iraganeko garai ilunagoak, eskubideak soilik patronalak eta gobernuak zituztenekoak, itxuraz gogoko dituztenen aldetik.
Ez dugu atzera pausurik onartuko, ez Lanbiden, ez beste inongo lantokitan ere.

Zuen erantzun (lasterraren) zain geratzen gara.» 

 

 

AZKEN ALBISTEAK | ƚLTIMAS NOTICIAS

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Gipuzkoako Metalaren merkataritzaren sektorean aurreakordioa erdietsi duteĀ 

Duela urtebete hasi ziren sektoreko gure ordezkariak hitzarmena berritzeko asmo handiko proposamen bat garatzen, bi helburu nagusiekin: Gehiengoa duen sindikatua bultzatu negoziazio mahaia deitu zezan eta patronalak negoziatzera eser zitezen derrigortu.

Arabako egoitzetan premiazkoa da hitzarmen duina

Greba eguna da gaurkoan sektorean, eta goizean kalejira egin dugu Gasteizen, patronalari mugiarazteko exijitzeko eta aldundiak ere esku har dezan eskatzeko. Arratsaldean, 18:00etan, beste hitzordu bat daukagu, Desamparadas plazatik abiatuta.