2024-02-29
HomeEkintza SozialaPolitika sozialaLanaldi partzialeko lan kontratuak dituzten emakumeen pentsio eskubidea bermatu dadila eskatu du...

Lanaldi partzialeko lan kontratuak dituzten emakumeen pentsio eskubidea bermatu dadila eskatu du LABek Bilbon

Azken asteotan LAB sindikatua kanpaina batean buru-belarri dabil, sektore feminizatuei begira, lanaldi partzialeko lan kontratuak dituzten emakumeek pentsioen eskubidea bermatua izan dezaten lortzeko. Gaur, hilak 20, LABen kanpainarekin bat egin duten emakume bizkaitarrak Gizarte Segurantzaren Bilboko bulegoetan izan dira pentsioak errebisatzeko eta beren diru sarrerak hobetzeko eskatuz.

Ekimen honekin Tribunal europarrak eta Konstituzionalak emandako sententziak bete daitezen aldarrikatzen du LABek. Epai horietan esaten da pentsioak kalkulatzerakoan lanaldi partzialak osoak bezala baloratu behar direla.

Horretarako, sindikatutik aholkularitza juridikoa eskaini zaie lanaldi partzialeko kontratuekin lanean aritu eta jubilatuta edo jubilatzear dauden emakumeei, Gizarte Segurantzara jo dezaten pentsioak errebisatzeko eskatu eta beren diru sarrerak hobetzeko.

Gizarte segurantzak emakumeok diskriminatzen gaitu

«Orain dela hilabete batzuk, Europako Epaitegiak eta Epaitegi Konstituzionalak bi epairen bitartez aditzera eman zuen espainiar estatuak jardunaldi partzialeko langileen pentsioen neurketa egiteko sistemak emakume eta gizonen arteko berdintasun printzipioa urratzen duela, eta beraz, emakumeonganako diskriminatzailea dela, izan ere, jardunaldi partzialetan ari den langileen %80a emakumeak dira.

Nahiz eta bi sententzia hauek mahai gainean egon, oraindik ez dute inolako neurririk hartu egoera hau zuzentzeko. Honek agerian uste du emakumeok lan merkatuan pairatzen ditugun diskriminazioei aurre egiteko inolako borondate politikorik ez dutela.

Aldiz, ez dute mugiezintasun hori agertzen egun sexuaren araberako lan banaketa ezartzen duen sistema hau mantentzerakoan, edo eta gure oinarrizko eskubide laboral eta sozialak kaltetzeko inposatzen dizkiguten neurri eta murrizketa ezberdinak aplikatzerako momentuan.

Hau dela eta, LAB sindikatutik praktika diskriminatzaile hau pairatzen duten langileen ehunka sinadura jaso eta gero, gaur gizarte segurantzak Hego Euskal Herriko lau hiriburuetan dituen bulegoetan mobilizatzen ari gara egoera diskriminatzaile hau bertan behera utzi dezaten exijitzeko, eta eguneko lanaldiak lan egindako egun osotzat har ditzatela eskatzeko.

Azkenik, aldarrikatu nahi dugu pentsio sistema oinarrizko zutabea dela zuzena eta solidarioa izan nahi duen jendarte ereduan.

Hau guztiagatik, LABetik Euskal Herritik kudeatutako pentsio sistema propio bat aldarrikatzen dugu. Emakume eta gizonen berdintasunean oinarritutako Gizarte segurantza sistema propioa, sexuaren araberako diskriminaziorik gabekoa.»
 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.