Baionako kaleak hartu ditugu berriro, Ipar Euskal Herrian deitutako greba interprofesionalaren harira, Frantziako Estatua langileak etengabe erasotzen ari dela salatzeko: hitzarmen kolektiboen suntsiketak, lan-baldintzen okertzea, bajan diren langileen ez ordezkatzea, erretretara joaten direnengatik ere ez, kudeaketa tratu-txar egile sistemikoa, beherantz botatako soldatak, lanen lerratze antolatuaā¦
Asko dira mobilizatzeko arrazoiak. Horren aurrean, langileek antolatu eta elkarrekin borrokatu behar dugu, hemen, Euskal Herrian, erabaki behar dugula aldarrikatzeko. Utz diezaiogun akziodunen poltsikoen betetzeari, eta aberastasunak partekatu ditzagun, guztiontzako bizi-baldintza duinak eta iraunkorrak ziurtatzeko.
Hauek dira kalera eraman ditugun aldarriak:
-Zerbitzu publiko guztiak berehala indartzea; bereziki, zaintza eta jendartearekin lotutakoak.
-Txertatu gabeko langileak berriz integratzea.
-Lansarien eta indizeko puntuaren emendaketa.
-Soldata arrakalaren amaiera eta inposatutako kontratu partzialenak.
-Lan denboraren murrizketa eta lanaren banaketa 30 orduko asteari esker.
-Langabezia erreforma kentzea.
-Tokiko negoziaketa gune bat sortzea.