Pasa den ostiralean, uztailaren 19an, 57 urtetako Sukarrietako J.M.R.L. langilea hil zen Mungiako Lamincer enpresan, Thyssenkrup taldekoan, femwick batek harrapatuta. Gaur, uztailaren 22an, 24 ordutako lanuztea egiten ari dira laneko heriotza berri hau salatzeko, urte hasieratik Euskal Herrian izandako 28.a. Kontzentrazioa ere egin dute Lamincer-eko langileek enpresa-atarian.
Enpresa-batzordeak, lehenik eta behin, deitoratu egin du batzordeko kide zen lankidearen heriotza eta bere babes eta elkartasuna erakutsi dizkie bere lankide, lagun eta bereziki, familiari.
Gainera, dei egin die arlo honetan eskuduntzak dituzten administrazioei istripuaren arrazoiak argitzeko, eta egon litezkeen erantzunkizunak garbitzeko.
Salatu dute istripu hauek ez direla kasualitatea, langileok behartzen gaituzten prekarietatearen ondorio zuzena baino. Gogoratu dute honezkero 28 direla, guxienez, urte hasieratik Euskal Herrian lanean hildako langileak.
Azkenik, dei egin dute gaur arratsaldeko 19:00etan Mungiako Udaletxe aurrean egingo den kontzentrazioan parte hartzera.