2024-03-29
HomeIndustriaMetalgintzaLaminaciones Arreguin sinatu da trantsiziorako akordioa

Laminaciones Arreguin sinatu da trantsiziorako akordioa

Martxoaren 7an sinatu zen behin betiko eta ahobatez Laminaciones Arreguiko zuzendaritza eta langileon arteko akordioa. LAB, ELA eta ESKk balioa ematen diogu Laminaciones Arreguin negoziatutako trantsizio baten alde egiten duen akordio honi.

Laminaciones Arreguiko LAB, ELA eta ESKren oharra

Martxoaren 7an sinatu zen behin betiko eta ahobatez Laminaciones Arreguiko zuzendaritza eta langileon arteko akordioa. Honen bidez, etendura eta Aldi baterako Enplegu Erregulazio Espedientea (EEE) ezartzen da, enpresak uko egiten dio alde bateko inposizioari eta enpresa-batzordeak proposatutako neurriak onartzen ditu. Bere aldetik, langileon ordezkariok ez dugu bide judizialera joko espediente honen kontra eta aurrekoaren kontrako demanda erretiratuko dugu. Ez da hortaz, espedientea sinatzeko akordioa, bere arrazoiak konpartitzen ez ditugulako –dokumentuan ikusten den moduan- ezta nahi genituen berme guztiak jasotzen dituelako, bide judiziala ekiditeko baizik.

Akordio honen ondorioz, datozen bi urteotan enpresak eta langileok nolabaiteko lasaitasuna biziko dugu, etendura egoeran egonda ere eta langabezia prestazioa kontsumituz, ez da behartutako kaleratzerik egongo eta lan-hitzarmenean jasotako lan-baldintzei eutsiko zaie. Era berean, etenduraren ondorioak konpentsatzeko mekanismoak ezartzen dira eta bere ezarpena homogeneoa izateko, diskriminazioak eta ezarpen arbitrarioak ekidituz. Era berean, gure ustez egungo egoera baino hobean aurre egin ahal izango diogu etorkizunari 2018tik aurrera, enpresa baldintzatuagoa egongo baita data honetatik aurrera langileak kaleratu nahi baditu.

Etendura- aldi baterako espedienteak indarrik gabe uzten du 2014an, batzordeko gehiengoak aldatzeko zuzendaritzak Larachako lantegia sartu ondoren, enpresak UGT, CCOO eta CIGekin sinatu zuen espedientea. Honekin Arabako lantokietako hamarnaka langile kaleratzen zituen eta beste langileei etendurako aldi baterako espedientea ezartzen zitzaien. Espediente hau ezartzeak diskriminazio nabarmena zekarren UGTra afiliatu gabekoentzat, ez zuen gutxieneko homogeneitatea bermatzeko neurririk jasotzen eta ez zituen bihar-etziko balizko kaleratzeak zailtzen.

2015eko Aldi Baterako EEEa ere indarrik gabe uzten da. Honek iaz EAEko Auzitegi Nagusiak nulutzat jo zuen amaiera EEEa laguntzen zuen. Aldi baterako EEE hau epaiketaren zain zegoen baina akordio honen ondorioz honen aurkako demanda erretiratuko da.

LAB, ELA eta ESKk balioa ematen diogu Laminaciones Arreguin negoziatutako trantsizio baten alde egin dugun akordio honi. Urte luzetako borroka, demanda, epai judizial eta sufrimendu handien ondoren, Celsa Taldeak gerentzia berri batengana jo du enpresa honetarako eta espero dugu fase berri baten hasiera izango dela, negoziazio eta akordioaren bidez Laminaciones Arreguiko enplegua eta jarduera industriala izango duena lehentasun moduan.

Zentzu honetan, dei egiten diogu Eusko Jaurlaritzari trantsiziorako ahobateko akordio honekin bat egin dezan eta egitasmo industrial honen etorkizuna ziurta dezan. Gatazkan horrenbeste urte egon ostean, Eusko Jaurlaritzak jarrera proaktiboa hartu behar du eta enpresa honen jarduera eta enpleguaren alde egin.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.