2024-05-27
HomeZerbitzu PublikoakEusko JaurlaritzaLakua eta administrazio orokorraren zenbait eraikin isolatzea premiazko ikusten dugu

Lakua eta administrazio orokorraren zenbait eraikin isolatzea premiazko ikusten dugu

Herri eta eskualdekako zaintza batzorde eta auzolanak antolatzen ari diren bitartean datorkigunari aurre egiteko, Lan-Harremanetarako zuzendariak leporatu digu Eusko Jaurlaritzako sindikatuoi oporretan joan nahi izatea zerbitzu minimoetan lan egitea aldarrikatzearren.

Azaldu diogu hizkuntza ofizial bietan: Lakuako lantokia birusaren erdigunean kokatzen dela ARABAko hiriburuan alegia, eta bertan, Araba-Bizkai-Gipuzkoa-Lapurdi-Nafarroa-Burgos-Cantabrian bizi garen langileok joanetorrian gabiltzala, EAE mailan mugitzen diren eta bertara izapidetzak egitera doazen herritarrekin batera.

Iruditzen zaigu, bereziki arriskua duten langileen osasuna zaintzeaz gain, Administrazio Orokorraren langileok birusaren eroaleak izan gaitezkeen heinean, zerbitzu minimoetan utzi behar direla Jaurlaritzaren lantokiak, langileen gehiengoak zaintza arduretan lan egin ahal izan dezagun.

Dagoeneko positibo bat baino gehiago izan da langileon artean.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.