2024-03-29
HomeEkintza PolitikoaLABeko ordezkaritza zabala izango da larunbatean Bilbon, euskal presoen eskubideen aldeko nazio...

LABeko ordezkaritza zabala izango da larunbatean Bilbon, euskal presoen eskubideen aldeko nazio manifestazioarekin bat eginez

Larunbat honetan, urtarrilak 8, Euskal Presoak Euskal herrira, Egin Dezagun Urratsa lemapean Bilbon egingo den nazio manifestazioan izango da LAB sindikatua. Manifestazioaren arrazoi eta aldarrikapenekin bat eginez, sindikatuko Komite Exekutiboko nahiz Nazio Komiteko ordezkaritza zabalak hartuko du parte. Ainhoa Etxaide idazkari nagusia buru dela, han izango dira Sonia González (komunikazio idazkaria) eta Igor Arroyo (Nafarroako bozemalea), zuzendaritzako beste hainbat kiderekin batera.
Euskal Herria aro berri baten atarian dago, eta garai berri horri ekingo bazaio, gaurdaino indarrean izan den zikloa, herri honen ukazioan oinarritutako zikloa itxi beharra dago. Sufrimenduaren aroa gainditu eta euskal herritarron eskubideen aitortzan eta errespetuan aurrera egiteko, ezinbestekoa eta premiazkoa da espainiar eta frantziar Gobernuek urteetan indarrean duten espetxe politikarekin amaitzea -sakabanaketa politika, gaixotasun larriak dituzten presoak gatibu mantentzea; bizitza osoko espetxe zigorra; 3/4ak beteta dituzten presoak kartzelean mantentzea; isolamendua; bakartzea; aurrez aurreko bisitetan jasan beharreko tratu umiliagarria, elkartasunaren kriminalizazioa etab.-. Ezin dugu ahaztu, euskal presoen oinarrizko eskubideak urratuz, euren senitartekoak eta euskal jendartea ere jomugan dituztela.

Zentzu horretan, euskal eragileok, bakoitzak geure eremuan, badugu zer egina eta zer esana; areago, abian den garai berri honetan. Hartutako konpromisoetan sakondu eta konpromiso berriak bultzatzeko unea da, eta LABek bere egiten du ardura hori, besteak beste, bai lantokietan bai kalean, euskal presoen eskubideen aldeko lana indartzeko.

Eman diezaiogun bada, bide, garai berriari. Euskal herritar, euskal langile nahiz eragile, egin dezagun urratsa. Eskubide guztien alde, euskal presoak euskal Herrira!

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.