Beste behin UTE Ambulancias Bizkaiako zuzendaritzak LABeko delegatu bat kaleratu zuen urriaren 8an. Honekin hiru dira jadanik Angel Luis Martínez Calleja enpresaren kudeatzailearen eskutik etorritako LABen kontrako jazarpen sindikalaren ondorioak jasan dituzten delegatu edo delegatu ohi izandako langileak.
Oraingo honetan, enpresak diziplinazko kaleratzearen eredua erabili du osasungintzako azpikontrata honetan murrizketa laboral eta sozialen kontra egiten dutenak paretik kentzeko asmoarekin.
Sarritan izan dira Osakidetza eta Eusko Jaurlaritzako Osasun Saila enpresaren zuzendaritzak zuen jarreraren jakitun. Behin baino gehiagotan jakinarazi diegu zein larria den herritarrentzat hain garrantzitsua den zerbitzu baten kudeaketa pirata batzuen esku uztea. Gure ustez sail honek ere erantzunkizuna dauka eta berari dagokio arazoan inplikatu eta delegatu honen berronartzea exijitzea.
Egoera hau salatzeko, kontzentrazioa burutuko dute gaur Ambulancias Bizkaiako langileek Zorrotzan (Bilbon), delegatu honen berronartzea eskatzeko, 13:00etatik 15.00etara enpresa inguruan, Hermogenes Rojo eta Fray Juan kaleen arteko bidegurutzean.
{module[111]}