2024-03-28
HomeEkintza PolitikoaLABek “Ustelkeriaren” aurkako manifestaziora joateko deia egiten die langileei

LABek “Ustelkeriaren” aurkako manifestaziora joateko deia egiten die langileei

Erregimen ustelarekin amaitu eta Nafarroan nahiz Euskal Herri osoan benetako demokraziara eramango gaituen bigarren Trantsizioa irekitzeko, herritarren bultzada ezinbestekoa da LABentzat eta dei egiten die langileei datorren larunbatean, hilak 22, Iruñean "Regeneración democratika. Ustelkeriareik ez! Darle la palabra al pueblo" lelopean burutuko den mobilizazioan parte hartzera.

CANen aferak edota Ogasunarenak Nafarroako ondare publikoaren harpilaketaren adibide dira. Ez dira gertakari isolatuak, lapurren mozkorraldia baizik. Lotsarik gabeko elite politikoa (UPN, PP eta PSN alderdiez osatutakoa) baliabide publikoen kontura aberastu da, elite enpresarialari mesede eginez, langileriari murrizketak inposatzen zizkion bitartean.

Aldaketa bikoitza premiazkoa da Nafarroan: Gobernu aldaketa eta eredu aldaketa. Ustelkeria kasu ugariak iraganaren parte izan daitezen, Errenta Aitorpena egin ahal izan dezagun lapurtzen digutela sentitu gabe. Nafarroa hainbeste urtez odolustu duen Erregimen nafar-espainolarekin amaitu eta benetako demokrazia ezarri beharra dago, non geure etorkizunaren eta baliabide publikoen jabe izango garen, non langileriaren eskubide sozialak bermatuko diren.

Lehenengo Trantsizioaren gabezi demokratiko eta sozialak errotik zuzenduko dituen II. Trantsizioa irekitzeko aukera dago Nafarroan, Euskal Herrian, eta horrela izan dadin herritarron bultzada behar beharrezkoa da, Madrilen inposaketei aurre eginez. Larunbateko manifestazioan pertsona bat gehiago ala gutxiago izan, oraingoan badu garrantzia.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.