2024-02-21
HomeZerbitzu PublikoakNafarroako AdministrazioaLABek UPNren Gobernuaren dimisioa exijitu eta kalera irteteko deia egin du

LABek UPNren Gobernuaren dimisioa exijitu eta kalera irteteko deia egin du

Hainbat enpresen alde Ogasunaren gainean Lourdes Goicoecheak egindako presioen berri jakin ostean, LAB sindikatuak UPNren Gobernuak berehala dimisioa eman eta hauteskundeak deitu ditzan exijitzen du.

Ildo honetan, LABek aipatutako helburuarekin antolatzen diren mobilizazio guztiekiko babesa adierazten du, hala nola une hauetan sare sozialetan dabilenari (gaur asteazkena 19:00etan UPNren egoitzaren parean). Era berean, sektore publikoko langileen asanblada bat antolatu du ostiral honetarako, hilak 14, 12:00etan Ogasunaren parean. Mobilizazioa beharrezkoa da.

Gaurkoa bezalako berriek, CANen dieten afera iceberg-aren tontorra besterik ez zirela erakusten dute: Nafarroako ondare publikoaren harpilaketaren aurrean gaude, Nafarroako Kutxan, Herri Lanetan, Osasungintzan edota Ogasunean bertan gauzatu dena. Ez dira gertakari isolatuak, lapurren mozkorraldia baizik. Lotsarik gabeko elite politikoa (UPN, PP eta PSN alderdiez osatutakoa) baliabide publikoen kontura aberastu da, elite enpresarialari mesede eginez, langileriari murrizketak inposatzen zizkion bitartean.

Goicoecheak dimisioa eman behar du: Ogasunaren buru izatea, otsoa ardien zaindari jartzea bezalakoa da. Baina hau ez da nahikoa: Gobernu osoak eman behar du dimisioa, Yolanda Barcinarengandik hasita, CAN eta dirukutxa publikoak hustutzeagatik, langileriaren kontura aberasteagatik, Nafarroa bankarrotaren ertzeraino eramateagatik.

Aldaketa bikoitza premiazkoa da Nafarroan: Gobernu aldaketa eta eredu aldaketa. Ustelkeria kasu ugariak iraganaren parte izan daitezen, Errenta Aitorpena egin ahal izan dezagun lapurtzen digutela sentitu gabe. Nafarroa hainbeste urtez odolustu duen Erregimen nafar-espainolarekin amaitu eta benetako demokrazia ezarri beharra dago, non geure etorkizunaren eta baliabide publikoen jabe izango garen, non langileriaren eskubide sozialak bermatuko diren.

Geure esku dago, usteleriaren kontra eta aldaketaren alde mobiliza gaitez!
 

 

 

AZKEN ALBISTEAK | ĂšLTIMAS NOTICIAS

Arabako CEAReko langileek esku hartze sozialeko herrialdeko hitzarmena aplika diezaietela eskatu dute

Arabako CEAReko langileek 3 orduko lanuztea eta mobilizazioa egin dituzte Gasteizko egoitzaren aurrean, erakundeak behin eta berriz uko egin baitio 2023ko maiatzean onartu zen Arabako Esku-hartze Sozialerako III. Hitzarmenaren aplikazioari buruz hitz egiteari.

LABek ere parte hartuko Gernika Palestina deialdi herritarraren elkartasun aktiboko kanpainan

Gernika Palestina deialdi herritarrak martxan jarri du elkartasun aktiboko kanpaina, Palestinak Israelen aldetik bizi duen eraso larriaren aurrean. Helburu hirukoitza dauka kanpainak: Netanyahu nazioarteko epaileen aurrera eramatea, Gazan elkartasun proiektuak bultzatzea eta Palestina leku guztietan ikustaraztea.

EAEko sektore publikoan euskararen erabilera normalizatzeko Eusko Jaurlaritzak onartuko duen dekretua administrazioaren euskalduntzean jauzi egiteko aukera galdua da

Eusko Jaurlaritzak onartuko duen Sektore Publikoan Euskararen Erabilera Normalizatzeko Dekretua-ren balorazio kritikoa egiten du LABek. Aurreko dekretuarekiko aurrerapauso batzuk dakartzan arren, guztiz ez-nahikoa da. Finean, dekretua berritzeko prozesu hau aukera galdua da benetan EAEko administrazioaren euskalduntzean jauzi egiteko. Batetik, euskararen normalizazio-prozesuak egun dituen aldeko baldintzak ez dituelako baliatzen; bestetik, prozesu horrek une honetan eta epe motz batean dituen beharrei eta izango dituen erronkei ez dielako erantzuten.