2024-05-25
HomeIndustriaEraikuntzaLABek San Mames Barriaren eraikuntzan hitzarmena ez dela betetzen salatu eta egungo...

LABek San Mames Barriaren eraikuntzan hitzarmena ez dela betetzen salatu eta egungo langileen egoera argitzea exitzen du

LAB sindikatuak salaketa bikoitza egin du San Mames Barriaren harira. Lehenik zelai berriaren obretan Eraikuntzako Herrialdeko Hitzarmena ez dela betetzen salatu dute eta bestetik, egungo Atheliceko langileen lanpostuak ez daudela ziurtatuta.

ATHLETIC CLUB: ZELAI BERRIA, LANGILE BERRIAK?

Datorren Irailean San Mames berria irekiko da. Athletic-eko jarraitzaileentzat pozerako arrazoia izan beharko litzatekena, badirudi Athletic-eko langileentzat ez dela horrela izango.

Klubak ez du bere lanpostuan urteak daramatzaten 260 txapelgorri eta zelaiko langileen lana ziurtatu nahi. Behin eta berriz galdetu diegu nola emango zen zelai aldaketa, baita honek langileen lan baldintzengan eraginik izango zuen ala ez. Gure sorpresa dator, liga amaitzeko jardunaldi gutxi geratzen direnean, Athletic-ek gaur egungo lanpostuak ziurtatu gabe jarraitzen duenean. Zergaitik? Athletic-ek ez daki, ez du erantzuten. Zelai aldaketa udan, langile hauek paroan daudenean (aldizkako langile finkoak baitira), emango dela erabili nahi al dute 260 langile baino gehiago kaleratzeko? Horrela ez bada, zergaitik ez dute argi esaten?

Ulergaitza da langile guztien zergen bidez jasotako diruaren bidez eraiki den zelai berri bat hauek kaleratzeko erabili ahal izatea.

LAB sindikatutik Athletic-i eskatzen diogu jolasteari eta ixilik egoteari utz diezaiola. Langileei esan diezaiela zein den beraien etorkizuna. Espero dezagun erantzuna lanpostu guztien mantentzea izatea, bestelako erabakirik ez genuke ulertuko eta ekintza hauek salatzeko bestelako alternatibarik ez liguke utziko.  

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.