2024-04-22
HomeIndustriaMetalgintzaLABek pasadan larunbaterako Orioko plazan deitua zuen elkarretaratzea debekatu egin zuen Herrizaingo...

LABek pasadan larunbaterako Orioko plazan deitua zuen elkarretaratzea debekatu egin zuen Herrizaingo Sailak

Larunbatean eguerdiko 12.00etan Orioko plazan kontzentrazioa egiteko xedea zuen LABek Mallabiako WAT enpresan 28 langile kaleratzeko EREa salatzeko. Kudeatzailea bera Orioko herriko kanpoaldean bizi da, baina hala eta guztiz ere Herrizaingo Sailak debekatu egin zuen elkarteratzea, langileok dugun mobilizatzeko eta salatzeko eskubidea, LABen ustez, errotik urratuz.

Mallabian dagoen WAT enpresak 28 langile kaleratzeko EREa jarria du mahai gainean. Uztailean enpresak Konkurtsoa eskatu zuen eta orain 28 kaleratze suposatuko dituen ERErako kontsulta epea bukatu berri da.

Uztailean enpresak Konkurtsoa eskatu zuenean, argi utzi zuen ez zuela alde sozialarekin inolako akordiotara iristeko asmorik . Beraien esanetan, Irango bezero bat galdu zuten eta enpresaren etorkizuna zalantzan dago.

Komitearekin akordioak lortzeko borondate falta izan da denbora luze honetan jaso dugun erantzuna. Eta egoera are gehiago larriagotu da enpresako kudeatzaileak LAB sindikatuko aholkulari baten kontrako salaketa jarri duenean, bere esanetan "kalumniatzeagatik" eta LABen ustez kaleratzeen aurrean egin zuen irrifarra salatzeagatik. Epaiketara bertara ere, gerentea Ertzantzak eta bizkartzainak lagun zituela azaldu zen.

Denbora luze honetan, asko izan dira langileek eta LAB sindikatuak egin ditugun ekimen eta mobilizazioak; bai enpresa aurrean, bai Mallabian (enpresa bertan baitago), bai Eibarren, bai Durangalde osoan zehar eta orain, gure asmoa, salaketa Oriora eramatea zen, gerentea bertan bizi delako.

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.