ARGAZKIA: www.nodal.am


LAB-ek Euskal Herriko sindikatuak Movimento dos Trabalhadores Rurais Sem Terra (MST) eta Lurrik Gabekoen eskola nazionalaren kontrakoen erasoa pairatu zutenei (tartean Euskal Herriko brigadista internazionalista bat) elkartasun mezu hau bidaltzen die. 

Operazioa Paranáko Polizia Zibilak zuzenduta ortzirala Azaroaren 4 goizean hasi zen. Poliziak inolako agindu judizialik gabe Eskola nazional honetan sartu zen eta Sao Paulo GuAranako Florestan Fernandes Eskola nazionalaren atea bota egin zuten.

Brasilgo MST mugimenduak erran duenaren arabera eskolan zeuden bi pertsona atxilotuak izan ziren. Poliziaren oldarraldi honetan errepresioa areagotzeko eta bertan zeuden pertsonak beldurtzeko asmoarekin poliziak suzko armekin tiro egin zuen. Militante bat eraso honetan suzko arma horien erabileraren ondorioz zauritua suertatu egin zen.

Eraso berri hau ez da kasualitatea, eta Brasilen boterean ezarrita dagoen politika errepresiboaren testuinguruan kokatu behar da, nazio aske eta subirano baten alde borrokan diharduten mugimendu politiko eta sindikalak isilaraztea helburu duen hain zuzen ere.

Euskal Herritik elkartasun besarkada internazionalista bat bidali nahi diegu Movimento dos Trabalhadores Rurais Sem Terra (MST mugimenduari) eta Brasilen eta mundu osoan justizia sozialaren alde borrokan ari den Brasilgo herriari.

NAHIKOA DA ! HERRI MUGIMENDUAREN AURKAKO ERASO GEHIAGORIK EZ!