2023-12-11
HomeIrakaskuntzaHeziketa BereziaLABek Lan Legepeko Heziketa Bereziko langileei aparteko ondainsaria lapurtu zaiela salatu du

LABek Lan Legepeko Heziketa Bereziko langileei aparteko ondainsaria lapurtu zaiela salatu du

LAB Irakaskuntzako Heziketa Bereziko azpisektoreak Eusko Jaurlaritzak aparteko ordainsariak langile finkoei nahiz aldi baterakoei aurreratuko zaizkiela, eta aurreikusitako lan-harremana urtebete baino gutxiagokoa bada, proportzioan dagokien zatia aurreratuko zaiela finkatzen duen 19/2012 legea ez duela bete salatu du. 

PSOEko eta EAJko gobernukideek, PPren murrizketen politikari men eginez, 2012ko gabonetako aparteko ondainsaria Funtzio Publikoko langile guztiei lapurtu diela gaineratu du.

LABeko Irakaskuntzako Heziketa Bereziko azpisektorearen irakurketa

HEZKUNTZA SAILEKO LAN LEGEPEKO HEZIKETA BEREZIKO LANGILEEI APARTEKO ORDAINSARIEN LAPURKETA

«2012ko Gabonetako aparteko ordainsaria langileei ordaintzeko dirua egonda ere, PSOEko eta baita EAJko gobernukideek Funtzio Publikoan aritzen garen langile guzti-guztioi lapurtu digute, PPren murrizketen politikari amen eginez.

Abendukoa lapurtzeaz gain, gobernu berriak, uztaileko ordainsaria urtarrilera aurreratuz, langileak isilarazi nahi izan gaitu.

Eusko Legebiltzarrak abenduaren 28ko 19/2012 Legean onartutakoa, hau da, aparteko ordainsariak langile finkoei nahiz aldi baterakoei aurreratuko zaizkiela, eta aurreikusitako lan- harremana urtebete baino gutxiagokoa bada, proportzioan dagokien zatia aurreratuko zaiela, Eusko Jaurlaritzak ez du bete.

Hezkuntza Sailean, ikasturte osorako bakantea duten Heziketa Bereziko 341 Langileok ez dugu kobratu , Administraziopeko Langileen artean egon beharreko Printzipio Berdintasuna bortizki urratuz.

Guzti honekin, bai aurreko gobernuak zein berriak politika neoliberalak praktikatzen dituztela argi erakutsi digute. Hau aurrerapen bat baino ez da izan, ohartarazteko aurrerantzean ere, zein izan eta izango den haien jarrera langileen eskubideekiko. » 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.