2024-02-24
HomeIndustriaMetalgintzaIncoesako greba mugagabea bertan behera geratzen da langileek zuzendaritzak lehenago hautsi zuen...

Incoesako greba mugagabea bertan behera geratzen da langileek zuzendaritzak lehenago hautsi zuen akordioa betetzea lortu eta gero

Urtarrilaren 16an, greba mugagabea hasi baino egun bat lehenago, enpresek eta langileen ordezkariek akordioa sinatu zuten. Akordio hori, aurrekoan Administrazio Kontseiluak atzera bota zuenaren termino berdinetan oinarritzen da.Langileek grebarako deialdia egin zuten enpresak bete dezan hartutako konpromisoa eskatzeko, eta 9 lankideek beraien lan-postuak berreskuratzeko. Horrez gain, bien partetik adostu da elkarrizketari ekitea Hitzarmen eta Enpresaren Bideragarritasuna plana ituntzeko asmoz.

Kontuan hartuta orain arte izandako esperientziak eta sortutako mesfidantza – Enpresaren partetik izendatutako ordezkarien sinesgarritasun eza-, ezinbestekoa izan da notaritza botereak akordioa burutzeko eta botere horiek erantsi dira bertan.

Agurtzeaz bat, LAB Sindikatuak zoriondu nahi ditu INCOESAko langileak enpresako zuzendaritza bere posizioetatik mugiarazi izanagatik eta beraien interesak aintzat hartzera behartzeagatik. Ez zen erraza azken egunetako gertakariak ikusita eta Enpresaren presioa larria jaso arren. INCOESN lortutako akordioak argi erakutsi digu zein den langileriaren interesak defendatzeko bidea: borroka. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.