2024-03-02
HomeEkintza PolitikoaEuskal HerriaLAB sindikatuak bat egiten du larunbat honetan ELEAK mugimenduak deitu duen manifestazioarekin

LAB sindikatuak bat egiten du larunbat honetan ELEAK mugimenduak deitu duen manifestazioarekin

Euskal gazteria urteetan jasaten ari den errepresio latz eta gogorrak ez dauka etenik: identifikazioak, jazarpena, torturak, atxiloketak… Ez dira kasu isolatuak, baizik eta estrategia oso baten bide orria jarraitzen duten ekimenak. Euskal Herriko etorkizuna dela jakitun, euskal gazteria beti egon da jo puntuan.

Eta egoten jarraitzen du. Horren adibide Oarsoaldeko gazteen kontrako kondenak edota otsailean Burlatako lau gazteren kontra burutuko den epaiketa. Lan politikoa kriminalizatzen duten epaiketa guztiz politikoen aurrean gaude. Eta arrazoi politikoengatik espetxe zigorrak bete dituzten eta betetzen ari diren ehunka gazte dira Euskal Herrian. Lehenengo eta behin LAB sindikatuak gazte hauei guztiei eta euren familia zein lagunei euren babesa helarazi nahi die.

Esan bezala, euskal gazteria beti egon da jo puntuan eta egoten jarraitzen du. Nahiz eta euskal jendarte osoak konponbidea eta bakea aldarrikatu, espainiar Estatuak bere immobilismoari eusten dio, sekula existitu behar izan ez diren, baina gaurko egoeran are ulertezinagoak suertatzen diren errezeta zaharrak aplikatzen. Euskal Herriak benetako bake eta konponbide egoerara eramango gaituen bidea jorratu nahi eta behar du, baina horretarako, ezer baino lehen, ezinbestekoa da espainiar Estatuak errepresio eta mendeku politikarekin amaitzea.

Herritarrok gara egoera hau aldarazteko giltza eta horregatik dei egiten diegu herritar guztiei larunbat honetan Donostiara gerturatu eta aldarrikapen hau bereganatu dezaten, pasa den larunbatean ere giza eskubideak, konponbidea eta bakea aldarrikatuz Bilboko kaleetan egin zuten bezala.  

 

LAB SAREAN
{module[111]}

    

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.