2024-02-28
HomeEkintza SindikalaLABek lan harremanetarako euskal esparruaren eraikuntzan urratsak eman ditzaten exijitu die instituzioei

LABek lan harremanetarako euskal esparruaren eraikuntzan urratsak eman ditzaten exijitu die instituzioei

Gaur, hilak 9, Garbiñe Aranburu, LABeko Negoziazio Kolektiboko eta Ekintza Sindikaleko Idazkariak, Gazteizko Legebiltzarraren Enplegu Batzordean negoziazio kolektiboaren egoeraz eta desblokeorako gakoez hitz egiteko aukera izan du. 

Bere interbentzioan Garbiñe Aranburuk azpimarratu du “gaur guztiok bizi garela duela zortzi urte baina okerrago”. Prekarietatearen aroan murgilduta gaude. Krisiaren aitzakiarekin inposaturiko neurri eta erreformek lan munduan langabezia, soldata murrizketak, lan baldintzen kaskartzea eta pobreziaren hedapena ohiko bilakatzea ekarri dute. Zentzu horretan hainbat datu azaldu ditu: “182.000 langabe daude Hego Euskal Herrian —duela 7 urteko kopuruaren bikoitza— eta erdiak baino gehiagok ez du inolako prestaziorik jasotzen. Miseriazko soldatak hedatzen ari dira. Sortzen den aberastasuna gero eta okerrago banatuta dago, geroz eta alde handiagoa dago soldata altuen eta baxuen artean, baita gizon eta emakumeen artean ere. Ez da enplegu berririk apenas sortzen, edo oso prekarioa da (lanaldi partzialak, behin behinekotasuna, malgutasuna…). Gero eta langile gutxiago dago negoziazio kolektiboaren babesarekin”.

Orain, gobernu zein politikoek hazkunde ekonomikoaren fasean sartuko garela diote. Baina errealitatea bestelakoa da, “lan harremanen inboluzio prozesu bat ematen ari da”. Gaur inor ez dago prekarietate prozesutik salbu. Hazkundearen diskurtsoak ez digu balio, lan harremanen etengabeko suntsiketa ematen ari baita. Eta argi utzi du “LABek ez duela lagunduko egoera hau egonkortzen”. Aranbururen ustetan “lan erreforma gure eremutik kanpora utzi eta bizi dugun prekarietate egoerari mugak jarri behar zaizkiola”. Zentzu honetan sindikatuak baditu hainbat aldarrikapen horretarako: Kalitateko enpleguaren alde egin behar da gutxieneko soldata 1.200 eurotan ezarriz eta enplegua banatzeko helbururarekin lan-astea 35 ordutara pasaz.

LABetik negoziazio kolektiboa defendatzen jarraitzen dugu, baina Garbiñe Aranburuk azaldu du “hitzarmenak bere horretan —helburuak eta edukiak aintzat hartu gabe— ezin direla helburu izan”. Hala gutxiengoan sinatutako akordioak “onartezinak eta antidemokratikoak” direla deritzo, ez dute zilegitasunik, eta beraz ez lukete babes instituzional eta politikorik ere izan behar. Zentzu honetan Negoziazio Kolektiboko idazkariak galdera zuzena helarazi die ordezkari politikoei: “Parlamentuan onartezinak liratekeen joko arauak, nola izan daitezke zilegi lan harremanetan?”

“Lan harremanen desaraukata egoera erabaki politikoen ondorio da. Ez da patronal eta sindikatuen arteko arazo laboral soila”. Eta euskal instituzioek, bertako alderdi politikoek erantzunkizunak dituzte. Ezin da jarrera ekidistante eta aseptiko bat eduki, edo okerragoa dena, elite ekonomikoa babestu hainbestetan ikusi dugun bezala. Beraz gaur parlamentuan egin bezala instutuzioei interpelatzen jarraituko dugu, lan harremanetarako euskal esparruaren eraikuntzan urratsak eman ditzaten. Hor baitago gakoa.

 

 

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.