Juan Manuel Santos, Kolonbiar errepublikako presidenteak Kolonbiar Indar Armatuei behin betiko su etena iragarri eta etsaitasuna uzteko agindua eman du abuztuaren 29ko 00:00 orduetatik aurrera. Bestalde, FARC-EP-k urte bat baino gehiago su etenean egon eta gero, su etena behin betikoa dela aldarrikatu du. Kolonbiar herriak bakerantz eta Kolonbia berri bat eraikitzeko urratsa eman du.
Orain, Kolonbiar Herriak ideia guztiak jasoko dituen demokrazia eraiki behar du. Herriaren alde lan egingo dituen instituzio eta justizi soziala lantzeko baldintzak eraiki behar dira.
Kolonbiar herria langileari eta sindikatuetako kideei agur berezia bidali nahi diegu. Sindikatu ekintza y lan baldintzak hobetzeko borrokak beraien bizitzak arriskuan jarri gabe garatzeko eszenatokia sortu dezaten opa diegu.
Gatazka politikoa bizi duen herri ororentzat desiragarria da elkarrizketa eta akordio bidezko aterabidea. Kolonbiaren kasuan alde biek adierazi duten bezala, irabazle eta galtzailerik ez izatea da gakoa, guztiek irabaztea, horrela, herriak irabazten duelako.
Gatazka politikoen konponbide elkarrizketatu eta negoziatuak tamainako maila, konpromiso eta ardura politikoa eskatzen du. Zoritxarrez eta etxera begiratzen badugu, gaurdaino ez dugu horrelakorik ikusi Madrilgo Gobernuaren aldetik. Kolonbiako adibidea bezela badira beste hainbat eredu arrakastatsu, baina borondate politikoa izatea da kontua.