2024-05-30
HomeNazioartea IdazkaritzaJardunaldiakLABek IDCaren 6. Batzorde Orokorrean parte hartu du

LABek IDCaren 6. Batzorde Orokorrean parte hartu du

LABek Irailak 30 eta Urriak 1an Tenerifen ospatu den IDCaren 6. Batzorde orokorrean parte hartu du, portuetako LABen sindikatu sekzioaren bi kideren eskutik. Batzar honetan Ipar Ameriketako, Hegoamerikatako, Afrika eta Europako 200 portu desberdinetako ordezkaritzak elkartu ziren, 70.000 zamaketari ordezkatuz.

Egun horietan esperientziak elkartrukatu eta portuetan jasaten diren egoera desberdinak aztertu dira. Gainera, IDCaren sorketaren 14. urteurrena izanik nazioarteko erakunde honen garapenaren azterketa egin zen: 2000. urtean 5 herri desberdinetako ordezkariek Tenerifeko irlan IDC erakundea sortu zuten Liverpooleko zamaketarien burrukaren porrotak bultzaturik; gaur egun 30 herri desberdinetako 300 portu daude erakunde honetan antolaturik.

Zamaketariek kate logistikoan duten paper garrantzitsua dela eta, lanpostu honen aurkako erasoak etengabeak eta jarraituak dira munduko edozein bazterretan. Alde batetik, eskubideak izatearen alde borrokatzen duten herrietan errepresio bortitza sufritzen dute, torturak eta batzutan hilketak sufrituz, eskaerak alde batera utz ditzaten. Beste aldetik, baldintza eta eskubide batzuk aitortuta dauden herrietan eskubide eta lan baldintzen aurkako ofentsiba dago. Azken egoera hau, Europan, Estatu Batuetan eta Kanadan agerikoa da, non sindikatuen aurkako borroka bortitza dagoen.

Europari dagokionez, portuak arautzeko 3. neurri multzoa prestatzen duten bitartean, erasoak alde desberdinetatik datoz.: Grezian portuak pribatizatzen, Portugalen zmaketari profesionalen kontratazioa ekiditeko asmoz 2. lan zerrenda bat bultzatzen, Espainiar Estatuan eta Belgikan Luxenburgoko epaitegietara joanez errotazio “pool”en aurka egiteko, Norvegian behin-behineko langileak erabiltzen prekaritatea areagotzeko, Ingalaterran langileen antolakuntzaren aurkako neurriak hartzen negoziazio kolektiboa ekiditeko, e.a. luze bat.

Baina borroka eta garaipenak ere badaude.. 2003 eta 2006ko europar direktiba gelditzea lortu zen. Gaur egun ere badaude horrelakoak ere bai. COSCO ontzi-konpainia txinatarraren Pireon (Grezia) duten terminal-pribatuko kideek urte askoko borrokaren ondorioz antolatzeko eskubidea ukatzen zien debekua bertan behera botatzea lortu eta sindikatu berri bat sortu eta Hitzarmen kolektibo baten negoziazioa bultzatzea lortu dute. Portugalen kaleratuak izan ziren 49 langileen berriro kontratatzea eta zerrenda profesionalen onarpena lortu dute hitzarmen kolektiboa negoziatzen zute bitartean. Ingalaterran, zenbait portuetan sindikatuak sortzea eta lan baldintzak hobetzen dituzten akordioak lortu dituzte.

Guzti hauetan IDCaren barruan dauden erakundeen presentzia nabaria izan da, borroketan pisu handia izanik. Europa mailako lanuzteak eta mobilizazioak, zenbait ontzi-konpainiari boikotak, terminalen okupazioak e.a. bultzatuz.

Konfrontazio bidea berretsi da IDCaren VI. Batzorde honetan.Globalizatua dagoen sistemari, erantzun globala eta elkartasunezkoa ematea oinarrizkoa da.
 

 

 

AZKEN ALBISTEAK | ĂšLTIMAS NOTICIAS

Kanakyar herriari elkartasuna adierazi diogu bertako askapen mugimenduko ordezkariekin izandako bileran

Igor Arroyo koordinatzaile orokorrak, Argitxu Dufau Ipar Euskal Herriko arduradunak eta Koldo Saenz Nazioarteko idazkariak osatutako LAB sindikatuaren ordezkaritza bat, FLNKSeko (Kanakyako Nazio Askapen Mugimendu Sozialista) ordezkaritza batekin bildu dira. Kanakyatik etorritako ordezkaritza FLNKSeko exekutiboko kide eta Kanakyako gobernuko kanpo aferen arduraduna den Mickael Forrestek eta FLNKS-eko exekutiboko kide nahiz Batasun Kaledoniarreko Komisario Orokor ondokoa den David Wanabo-k osatu dute.

Pentsio sistema publiko propioaren norabidean eginiko proposamena jendaurrean aurkeztu dugu Iruñean

LAB sindikatuaren Haritik argitalpenaren ale berrian, pentsio sistema publiko eta propio baterako gure proposamena bildu dugu, hiru zutabe nagusi dituena: zaintzagatiko pentsioa, trantsizioa bideratzeko sistema osagarri publiko, unibertsal eta birbanatzailea eratzea eta Gizarte Segurantzaren arloko eskumen osoa keskuratzea. Gaur Iruñean, proposamen hori Nafarroako zenbait eragile sozial eta politikori aurkeztu diegu, Amanda Verrone politika publikoen azterketarako arduradunaren eta LABeko bozeramaile Imanol Karreraren eskutik.

Askatasun sindikala defendatu dugu gure jarduna oztopatzeko saiakeren aurrean

11 langile baino gutxiagoko enpresa oso txikietako hauteskunde sindikalak (TPE deitzen ditugunak) 2024ko azaroaren 25etik abenduaren 9ra iraganen dira Ipar Euskal Herrian.