2025-04-23
HomeZerbitzu PublikoakOsasungintzaLABek gainontzeko sindikatuei dei egiten die banaka ez biltzeko Osakidetzarekin

LABek gainontzeko sindikatuei dei egiten die banaka ez biltzeko Osakidetzarekin

Ekanaren 26ko manifestazioan mahai sektorialeko sindikatu guztiek Osakidetzari ahalik eta azkarren mahai deitu zezala eskatu ostean, komunikabideen bitarter uztaila amaitu aurretik mahaia deituko zuela esan eta sindikatu guztiekin aldebikoak egingo zituela jakinarazi zuen. LAB ez da aldebikora joango eta gainontzeko sindikatuei berdina egin dezatela eskatu die.

LABen oharra
LABek gainontzeko sindikatuei dei egiten die banaka ez biltzeko Osakidetzarekin

«Oso bide luzea egin behar izan dugu Osakidetzako Mahai Sektorialeko sindikatu guztiok eta ESK-k (mahaian ordezkaritzarik ez daukana) topagunea lortu ahal izateko eta Osakidetzaren estrategiari aurre egiteko. Ekainaren 26ko manifestazio arrakastatsuak argi adierazten digu hasitako ibilbideak bere fruituak eman ditzakeela, langileongan borrokatzeko grina piztuz, eta gure lan-baldintzak zein osasun publikoaren defentsa Osakidetza negoziatzera behartuz. Helburu honekin eskatu genion Osakidetzari ahalik eta lasterren Mahai Sektoriala deitu zezala.

Manifestazioaren ostean, Osakidetzak atoan jo zuen komunikabideetara negoziatzen ari zela, uztaila amaitu baino lehen mahai sektoriala deituko zuela eta “sindikatu guzti-guztiekin” aldebiko batzarrak burutuko zirela adieraztera. Honen aurrean, LAB SINDIKATUAK zera adierazi nahi du:

• LAB EZ DA JOANGO OSAKIDETZAREKIN ALDEBIKO BILERARA. Honela jokatu izan dugu orain arte (mahai sektorialeko gaiak mahi sektorialetik kanpo negoziatzeari uko eginez) eta ARE GEHIAGO ORAINGO TENOREAN, SINDIKATUON BATERA JOTZEA HAIN BEHARREZKO DENEAN.
• GAINONTZEKO SINDIKATUEI HONAKO ALDEBIKO BILERETARA EZ JOTZEKO DEIA EGITEN DIEGU, BATZAR HAUEK OSAKIDETZAREN POSIZIOA INDARTU, BANAKETA ETA MESFIDANTZA SORTU ETA GURE INDARRA AHULDU BAINO EZ BAITUTE EGITEN.
• DENOK ESKATU BAGENION OSAKIDETZARI MAHAI SEKTORIALA, BERTARA JO BEHAR DUGU GURE HELBURUAK DEFENDATZERA. ZER DELA ETA NOR BERE ALDETIK JOATEA? ZER NEGOZIATZEKO?
• AZKENIK, BILBOKO MOBILIZAZIOAGATIK ZORIONDU NAHI DITUGU LANGILE GUZTIAK ETA, BIDE BEREAN, JENDE GEHIAGO GEHITZERA ETA GURE HELBURUAK LORTU ARTEKO BIDEAN URRATSAK EMATERA ANIMATU.

Euskal Herrian, 2014ko uztailaren 2an »

 

 

 

AZKEN ALBISTEAK | ÚLTIMAS NOTICIAS

Pasaiako Udalak udal haur eskola zerbitzua bertan behera uzteko hartu duen erabakia okerra da LABentzat

Prentsaren bidez jakin du LABek Pasaiako Udalak eskaintzen duen Lilitegia udal haur eskola zerbitzua bertan behera uztea erabaki duela, EH Bildu eta Podemosen bozkekin. Pasaiako haur eskola zerbitzu hau, lizitazio baten bitartez bertako ikastolak ematen badu ere, udal zerbitzu publiko bat da, hemendik aurrera Pasaiako jendearteak udaletik jasoko ez duena.

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.