2024-04-25
HomeIndustriaMetalgintzaLABek ez du ulertzen Gometegiko batzordeak greba bertan behera uztea erabaki izana

LABek ez du ulertzen Gometegiko batzordeak greba bertan behera uztea erabaki izana

Laudioko Gometegui enpresak burututako kaleratzeen aurka eta hortaz, duela bi hilabete eskas sinatutako akordioaren hausturaren aurka aste honetan hastekoa zen greba deialdia bertan behera uztearen aurrean, LABek erabateko desadostasuna adierazi nahi du. Akordio horretan 2015 eta 2016 urteetarako enplegu bermea eta soldata jaitsiera berreskuragarri baten truke kaleratzeen ezinezkotasuna jasotzen ziren, hain zuzen ere.

Urtebetez langileriarekin jolasean ibili dira: lehenengo kaleratuak izatea edo Poloniara joatea aukeratu behar izanaren ultimatumarekin; gero solataren jaitsierak exijitzen; orain gutxi enpresaren iraunkortasunerako ezinbestekoa omen zen laguntza instituzional bat jasotzeko plan baten onarpena eskatuz, gero laguntza eskatu ez zutenean… Laburbilduz, langileekin joko zikina eginez eta hartutako konpromisoak modu unilateralean apurtuz, enpresako zuzendaritzak 8 langile kaleratzeari ekin baitzion joan den astean.

LABen iritziz onartezina da enpresaren jokabidea, eta aproposa iruditu zitzaigun Enpresa Batzordeak proposatutako eta gehiengoak onartutako greba deialdia. Horregatik ez dugu ulertzen, gerentearen berbaldi baten ostean batzordearen erabakia atzera botatzea eta greba bertan behera uztea erabaki izana.

Honek guztiak kaleratutako langileei bizkarra ematea eta enpresak akordioak modu unilateralean eta nahierara apurtu ahal izatea suposatzen duela uste dugu. Langileak kaleratu ditu aldi berean ABLEak kontratatuta dituenean aurretik kaleratutako langileetako batzuek egiten zituzten lanak burutzeko, ordu extra ugari egiten direnean eta langileriak bi hilabeteko atzerapena daramanean soldataren kobrantzan. Hori guztia inolako bideragarritasun plan sinesgarririk gabe, etorkizuneko inolako bermerik gabe eta egoera hau hemendik gutxira errepikatuko ez den bermerik gabe.

Gure ustetan, Gometegui enpresak langileriari etorkizuna eta lanpostuak bermatzeko utzi dion aukera bakarra mobilizazioarena da.
 

 

 

AZKEN ALBISTEAK | ÚLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.