2024-04-25
HomeIdazkaritzakLABek ere parte hartuko Gernika Palestina deialdi herritarraren elkartasun aktiboko kanpainan

LABek ere parte hartuko Gernika Palestina deialdi herritarraren elkartasun aktiboko kanpainan

Gernika Palestina deialdi herritarrak martxan jarri du elkartasun aktiboko kanpaina, Palestinak Israelen aldetik bizi duen eraso larriaren aurrean. Helburu hirukoitza dauka kanpainak: Netanyahu nazioarteko epaileen aurrera eramatea, Gazan elkartasun proiektuak bultzatzea eta Palestina leku guztietan ikustaraztea.

Laguntzeko moduak ere askotarikoak dira. Batetik, dohaintza ekonomikoa (Laboral Kutxako ES0530350083240830140015 kontu zenbakian). Bigarrenik, Mundubat GKEaren dohaintza atalean ekarpenak eginez (BIZUM bidez  08736 kodearekin) eta hirugarrenik, Palestinarekiko elkartasun taldeetan parte hartuz edo era indibidualean.

Palestinako bandera etxeko balkoian jartzeko eskaria ere egin dute. Honetaz gain, kanpainaren irudiaren kartela norberak inprimatu eta komertzioetan, etxean, lantokietan eta ibilgailuetan jartzea ere proposatzen dute. Azkenik, kanpainaren ikonoak sare sozialen profiletan jartzeko eskaria ere egin dute. Banderak, kartelak eta ikonoak lortzeko aukera desberdinak daude. Batetik, www.gernikapalestina.eus webgunean eta bestetik herri eta auzoetako taldeen bitartez.

Herrietan lan egiteko deialdia ere egin dute Gernika Palestinatik, formulario bat beteta: http://bit.ly/BOL-HERRIAK

AZKEN ALBISTEAK | ÚLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.