2024-07-14
HomeZerbitzu PublikoakKomunikabideakLABek EITBko Estrategia Zuzendari ohiaren aurka jarritako kereila kriminalak aurrera jarraitzen du

LABek EITBko Estrategia Zuzendari ohiaren aurka jarritako kereila kriminalak aurrera jarraitzen du

EITBn 2005etik aurrera sortu zen enpresa sarearen kudeaketa ilunaren pean ustez delituak egin izana salatu zuen LABek. Prozedura aurrera doa, herenegun ekainaren 10ean Alberto Suriok izendatutako Estrategia Zuzendaria Patxi Arratibelek zuen hitzordua, baina forma arazo bat dela medio, data zehaztu gabe hurrengo baterako utzi zen lekukotza.

2009an VILAU MEDIA SLk eskatutako mailegu bat EITBk abalatu zuen, ente publikoari 700.000€ko kalte ekonomikoa suposatuz. Andoni Ortuzarrek izendatu zuen Juan Luis Diego Casals Estrategia Zuzendariak sinatu omen zuen abala. LABek honen aurkako kereila kriminala jarri zuen, eta epaileak tramitera onartu zuen «ustezko delitu sozietarioa eta diru publikoen erabilera okerra» zantzuak ikusi zituelako.

Eginbideak irekitzea erabaki zuen epaileak, haien artean hainbat lekukotza daudelarik: EITBko legegile aholkulariak eta Juan Diego kereilatuak martxoaren 15ean agertu ziren epailearen aurrean, eta defentsak aurkeztutako dokumentazioarekin batera kasua artxibatzea eskatu zuen.

Pasa den maiatzaren 22an auto berria kaleratu zuen epaileak, artxibatze eskaera ukatzen zuena. Prozedura aurrera doalarik, herenegun ekainaren 10ean Alberto Suriok izendatutako Estrategia Zuzendaria Patxi Arratibelek zuen hitzordua, Juan Diegoren ondorengoak alegia. Forma arazo bat dela medio, data zehaztu gabe hurrengo baterako utzi zen lekukotza. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.