2024-07-14
HomeIndustriaMetalgintzaLABek eduki duineneko eta lan erreformari aurre egingo dion Metalgintzako hitzarmena aldarrikatu...

LABek eduki duineneko eta lan erreformari aurre egingo dion Metalgintzako hitzarmena aldarrikatu du

LAB sindikatua SEA patronalaren aurrean mobilizatu zen atzo Arabako Metalgintzako Hitzarmen duin bat aldarrikatzeko. "Metaleko konbenio duina, lan erreformari ez" lelopean, eduki duinetan oinarrituriko eta lan erreformari aurre egingo dion hitzarmenaren alde mobilizatzeko deia luzatu zuten.

LAB sindikatuak konzentrazio bat burutu zuen atzo SEAren egoitzaren aurrean “METALEKO KONBENIO DUINA, LAN ERREFORMARI EZ – NEGOZIAZIOA BAI, INPOSAKETARIK EZ” lelopean. Konzentrazioan Arabako hitzarmena aldarrikatu dute, baina ez edozein preziotan, ez SEAk nahi duen neurrikoa, baizik eta eduki duinekin eta lan erreformari aurre egiten dion parametroetan.

Gogorarazi zuten SEAk pasa den uztailaren 16an 24 ordutan onartu beharreko proposamen bat aurkeztu zuela, sinatu ezean ez zela atzera bueltarik izango mehatxuarekin. Proposamen horretan, eta 30 hilabetez bildu ostean, bere aldarrikapen historikoak sartu zituen: malgutasun gehiago, soldatetan KPIaren erreferentzia desagerraztea eta 18 hilabetetako ultraktibitatea.

Hori dela eta, LABek proposamena ez zuen onartu inposaketa hutsa baitzen. Orduan bezala, sindikatuak posizioa argia da: "SEAk hitzarmenaren iraunaldia ziurtatzea eta negoziazioak jarraitzea, LABek hitzarmena indarrean dagoela defendatzen du eta ez du inolaz ere onartuko enpresetan langileen lan baldintzak okertzea ultraktibitatearen aitzakiarekin".

LABek metaleko hitzarmen duin baten alde mobilizazioekin eta ekimenekin jarraituko duela iragarri du eta langileei mobilizatzera deitzen die lan baldintzak defendatzeko.

 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.