2025-04-30
HomeEkintza PolitikoaLABek dei egiten die Euskal langileei, 197/2006 Doktrinaren aurka Herrirak Iruñean antolatutako...

LABek dei egiten die Euskal langileei, 197/2006 Doktrinaren aurka Herrirak Iruñean antolatutako ekitaldian parte hartzeko

Ekainaren 8a ezkeroztik Herrira mugimenduak 197/2006 doktrinaren aurkako "Herritarron Epaia" ekimen ibiltaria abian du; Euskal Herri osoko 80 herri, hiri eta auzotatik pasatu ondoren, larunbat honetan, irailak 14, emango zaio amaiera Iruñeako Anaitasuna pabilioian. 

Asteon iragarri moduan, benetako bake eskenatokia ekarriko duen prozesuan inplikatuz, BAKEA eta KONPONBIDEA erdiesteko bidean aurrera egiteko erronkari bete-betean helduko dio LABek. Gure etorkizuna demokratikoki erabakitzea ekarriko duen zikloa behingoz ireki behar dugu gure herrian. Horretarako, derrigorrezkoa da gatazkaren ondorioak gainditzea eta gatazka horren jatorriak konpontzea. Eta korapiloak askatzen hasiko bagara, presoen aferari heldu beharra dago.

Konponbidea eta bakea ekarriko dituen prozesua burutzea premiazkoa da Euskal Herriarentzat eta hori guztion zeregina da. Lerro hauen bidez LAB sindikatuak dei egiten die euskal langileei bereziki eta jendarteari orohar, larunbateko hitzorduarekin bat egin eta ANAITASUNAko ekitaldian parte hartzeko. Euskal Herrian bakeari aukera bat emateko garaia bada eta entzun dadila ozen, herritarron epaia!

 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Lakuak proposatu zuen negoziazio egutegia bete ez duenez, irakasleek grebara joko dute berriro maiatzean

Hezkuntza Sailak ez du negoziaketarako benetako borondaterik. Izan ere, nahiz eta sailburuak medioetan adierazi apirila negoziaketarako hilabetea izango zela, hilabetea amaitzear dagoen honetan, sailak negoziaketa guztiak etenda mantentzen ditu. Beraz, beste behin ere, sailburuak propaganda eta iritzi publikoan eragiteko nahia beste helbururik ez du izan.

Metro Bilbaok I-SEC enpresarekin egindako kontratua salatzen du LABek

Metro Bilbaoko zuzendaritzak eta langile-batzordeak Bilbo Palestina Herri Ekimenaren eta Bilbo- Nodo BDZ-Bizkaiaren (Israeli Boikot, Desinbertsioak eta Zigorrak) jaso zuen. Salatzen zuten Metro Bilbaok I-SEC Aviación Security enpresa israeldarra kontratatu duela Lutxana eta Plentzia arteko linea-zatiaren eta instalazioen segurtasunerako, eta eskatzen zioten kontratu hori eteteko.

EAEko Justizia eta Giza Eskubideen sailburuak bulego judizialaren egungo eredua desegin du, eta betearazpen-zerbitzuak ezabatu ditu

Urtarrilaren 3an argitaratu zen 1/2025 Lege Organikoa, urtarrilaren 2koa, Justizia Zerbitzu Publikoaren eraginkortasunaren arloko neurriei buruzkoa. Arau horrek hainbat aldaketa dakartza justizia administrazioan. Lege hori gainerako autonomia-erkidegoek eta Justizia Ministerioak baliatuko dute bulegoen euskal eredu judiziala kopiatzeko, dagoeneko 15 urte inguru dituena.