2023-11-28
HomeIdazkaritzakEuskara IdazkaritzaLABek, beste eragile batzuekin batera, lan bundua euskalduntzeko deia luzatu du

LABek, beste eragile batzuekin batera, lan bundua euskalduntzeko deia luzatu du

Euskaraz bizitzeko lan mundua euskaldundu egin behar da, lan mundura heltzen diren langileen eta enpresarien lana euskaraz garatzeko gaitasuna bultzatu behar da. Helburu hau betetzeko euskara ikastera eta euskaltegietan izena ematera deitu dute Erkide Kooperatiben Federazioak, ELA, LAB, eta EILAS sindikatuek, Ahize-AEK, Ekilore, Emun eta Artez hizkuntz aholkularitza enpresek.

LAN MUNDUTIK ERE, ZATOZ EUSKALTEGIRA!

Edozein hizkuntzaren normalizazio-prozesuak bi ardatz nagusi ditu; batetik, norbanakoak euskalduntzea eta, bestetik, espazioa euskalduntzea. Biak ala biak ezinbestekoak dira hizkuntza horretan normaltasunez bizi ahal izateko.

Gurean, Euskal Herrian, beraz, ezin pentsa dezakegu norbanakoak euskaldunduz bakar-bakarrik herri hau euskaraz bizi ahal izango denik. Herritar euskaldunak behar ditugu, euskararen ezagutzaren unibertsalizazioa erdietsi behar dugu, baina herritar horiek guztiek erabiltzeko aukerak beharko dituzte, eta beraz funtzio euskaldunak beharko dira.

Hori horrela, gure bizitzaren parte handi bat lanean ematen dugu eta beste parte handi bat beste inoren lanaz baliatzen. Lan munduaren euskalduntzeak herritarron eguneroko bizitzan duen eragina azpimarratu nahi dugu gaurko agerraldian. Bertan langile bezala igarotako orduengatik edota lan mundutik datozkigun zerbitzu eta produktuen kontsumitzaile izateagatik, sakoneko eragina du lan munduak gu guztion eguneroko bizitzan eta hizkuntza jardunean. Horregatik, garrantzi handia du alor sozioekonomikoak betetzen dituen milaka espazioetan euskarari lekua egiteak. Lan munduaren euskalduntzean urrats esanguratsuak emateko garaia iritsi dela eta posible dela pentsatzen dugu.

Euskalgintzak bere kabuz ezin du lan mundua euskalduntzea lortu, baina bai zeresana duten eragile nagusien, enpresarien, langileen, kontsumitzaileen eta administrazioen laguntzarekin. Halere, lan mundua euskalduntzeko lehen premisa da lan mundura heltzen diren enpresariek eta langileek lana euskaraz garatzeko gaitasuna izatea. Sarritan gaitasun horretan hutsunea egoten da. Hutsune hori betetzeari begira ari da lanean Helduen Euskalduntze Alfabetatzea.

Euskaltegietako ateak zabalik daude jada, Euskal Herriko edozein herri zein auzotan daukazu euskaltegi bat hurbil; etorri, galdetu eta animatu euskara ikastera.

Denon artean lortuko dugu; lan mundua euskalduntzea ere gure esku dago! ZATOZ EUSKALTEGIRA!  

  

LAB sarean
{module[111]}

      

AZKEN ALBISTEAK | ĂšLTIMAS NOTICIAS

Azken hilabetean Palestinako Gazan eta Cisjordanian Israeldar gobernuak eragin duen sarraskia salatu dute Bizkaiko suhiltzaileek

Basauriko Suhiltzaile talde batek sortu duen dinamikari esker, eta honi jarraipena emonez, Palestinako herriari elkartasuna erakutsi diote. Horretarako, aste honetan Artaza, Urioste eta Iurretako parkeetan kontzentrazioak egin dituzte. Sirenekin minutu bateko dolua eta elkartasuna islatu dute suhiltzaileek.

Iruñeko Udaleko Lan Kontratudunen Komiteak eskatu du Etxeko Laguntza Zerbitzua erabat munizipala izatea

Azaroaren 30ean, koordinadora feministak zaintza-eskubideen aldeko greba orokorrerako deia egin du. Grebaren aldarrikapen nagusiak hauexek dira: zaintza-sistema publiko komunitario bat lortzea eta zaintza-sektorearen lan baldintzak duintzea eta babestea, bizitzak erdigunean jarrita.

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.