LABek Vic-en Herrialde Katalanetan haragi industriako langileen aldeko mobilizazioan parte hartu du, langile hauek Martxotik gaur egun ukatuak zaizkien eskubideen alde borrokan dihardute eta.
Gatazkaren hasiera Vic-eko Esfosa enpresako langileek Martxoaren 28 eta 29an egindako greban kokatu behar da. Langileak lan hitzarmenaren sistematikoki betetzen ez zutela ikustean grebari ekin zioten. Greba horretan enpresarietako bat piketeetan zegoen langile etorkin batengana hurbildu eta honako irain arrazistak egin zizkion: “Afrikara bidaliko dizut goseak hil zaitezen”, “lau tiro emango dizkizuet”… Grebaren ondoren enpresak lantegi batzordeko (COS-eko 7 kide UGTeko kide bat eta CCOO-eko kide batek osatuta) kide batzuk 6 hilabete lan eta soldatarik gabe zigortu zituen. Gaur egun Esfosako langileak Erregulazio Espediente batean daude bete vetean, borrokan dauden langileekiko mehatxu garbi batean. Gertakizun hauen ondoren Càrnies en lluita plataforma sortu zen COS, CGT, UCFR ( Unitat contra el Feixisme i el Racisme) eta norbanakoek osatuta. Plataforma honek haragi industriako langileei informazio laborala dohan eskaintzen dio, borrokan dauden langileentzat erresistentzi kutxa bat sortu du eta dirua biltzeko material ezberdina atera du.
LABetik gure babes osoa eskaini nahi diogu COSeko langileei eta orokorrean beraien lan eskubideen defentsan borrokan dauden haragi industriako langile guztiei ere.
Grebalarien eskubideen aurkako eraso guztiak Euskal Herrian salatu ditugun bezala, langile klasean beste lurraldeetan jasaten dituen eraso guztiak ere salatu nahi ditugu, eta kasu honetan partikularki Kataluniako haragi industriako langile guztiei. Haragi industriako mafia bukatu behar da, eta txantai eta arrazismo jarrera guzti hauek ere bukatu behar dira.. Onartezina da praktika arrazista hauek lan munduan eta jendartean orokorrean gaur egun oraindik mantentzea eta desager daitezen neurriak hartu beharko dira.
Bukatzeko berriro ere Euskal Herritik borrokan dauden Esfosako langileei eta Càrnies en lluitako plataformako kideei gure elkartasun guztia bidali nahi diegu, kalean borrokatzen ari diren langileen eskubideak noizpait errealitate bihur daitezen.
Elkartasun besarkada bat