2024-02-26
HomeMurrizketakLABek bat egiten du Herri Ekimenak «UPN kanpora! Aldaketa soziala orain!» lelopean...

LABek bat egiten du Herri Ekimenak «UPN kanpora! Aldaketa soziala orain!» lelopean deitutako manifestazioarekin

Une honetan inoiz baino eskuragarriagoa da Nafarroan UPN Gobernutik botatzea, baina horretarako guztion indarrak biltzea eta mobilizatzea ezinbestekoa da. Kalera atera behar dugu Gobernu aldaketa aldarrikatzeko eta batez ere Nafarroan behar ditugun sakoneko aldaketa sozialak gauzatu eta bestelako jendarte eredu bat eraikitzeko.

Honengatik guztiagatik Nafarroako langile guztiei dei egiten diogu bihar, arratsaldeko 17,00etan Antoniutitik abiatuko den manifestazioan parte hartzera.

 

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.