EAEko anbulantzien sektoreko sindikatuok ostiralean Gasteizko Legebiltzarreko Osasun eta Kontsumo Batzordean parte hartu genuen, sektorearen egoera zein den eta nolako lan balditzetan lan egiten dugun azalerazteko. LABentzat sektore hau oinarrizkoa da gizartearentzat, eta publikoa eta administrazioko pertsonalarekin eskainia izan beharko litzateke, baina hau horrela ez den bitartean, sektoreko langileen lan baldintza duinak eta zerbitzuaren beraren kalitatea bera bermatu beharko litzateke.
Duela urtebete Osasun eta Kontsumo Batzordeak, osasun garraioa arautzeko erdibideko zuzenketa onartu zuen. Bertan, Osasun Sailari eskatzen zitzaion eslepeinetako baldintza pleguetan jasotako irizpide eta baldintza guztien jarraipen zorrotza egin zezan, eta horiek betetzen ez diren kasuetan berehalako neurriak hartzea. Honetaz aparte, sektoreko hitzarmen autonomikao sustatzen laguntzea eskatzen zitzaion. Halaber, aipaturiko hitzarmena indarrean sartzen ez den bitartean, lan baldintza duinak eta zerbitzuaren eraginkortasuna bermatzeko bitartekoak ezar zitzala, lehen urrats gisa, lan erreforma eta derrigorrezko arbitrajea ez aplikatzeko eta enpresei ultraaktibitatea indarrean mantetzeko exijituz.
Zoritxarrez Admnistrazioak gizarte osoarentzat kalitateko zerbitzua eta lan baldintza duinak bermatu ordez, etekin ekonomikoa gailentzen du interes tekniko eta laboralen gainetik (puntuen %53 atal ekonomikoei ematen dizkio), edo uzten du prezioa % 18aren behetik botatzea esleitutako prezioetan lehiatu diren enpreseei, lehia – ausartegiaren mugan. Beherakada hau zerbitzuaren kalitate eta lan baldintzetara eramanez.
Egoera hau aldatzeko eta kalitateko zerbitzua zein lan baldintzak bermatzeko LABek zerbitzu hau emateko diru publikoa esku pribatuetan jartzen duen Administrazioari, patronalaren papera betez eskatzen dio inplida dadila sektore honi irtenbide bat emateko, beste sektoreetan egiten duen legez (jantokietan, kudeaketa zuzenean, Osakidetzako garbiketan…), enpreseei exijituz ez dezatela lan erreforma aldebakarrez inposatu, eta eslepeinetan agertzen dena bete dezatela exijituz. Era berean, enpresei lan hitzarmen autonomikoa lortzeko bidean pausu eraginkorrak ematen lagun diezaien, enpresa guztietan lan baldintzat orokortzeko eta erregulatzeko EAEn lan egin ahal izateko. Aldiz, egoera hau ematen ez den bitartean, datozen baldintza-agirietan klausula sozialak sar ditzatela, honakoak bermatuz: enplegua, subrogazioa, gaur egun diren lan hitzarmenak, aldebakarreko deskuelgea ez onartzea, ordezkapenak, lan baldintza duinak eta zerbitzuaren kalitatea bermatzea.