Gaur 28 gazte indendentista epaitzen ari dira Espainiako Auzitegi Nazionalean lan politikoa egiteagatik. LABek lehenik eta behin elkartasuna adierazi nahi die guztiei eta Euskal Herrian, urte luzez iraun duen euskal gaztediaren kontrako jazarpen estrategia ankerra behingoz amaitu dadin eskatzen du.
Espainiar Gobernuari exijitzen diogu, euskal gaztediaren kontrako biolentzia eten, eta has dadila behingoz, garai berriek eskatzen duten moduan erantzuten. Herri honetan gatazkaren konponbide demokratikoaren aldeko aldarria gero eta ozenagoa da. Herri honek ez du onartuko bere oraina eta etorkizuna gartzelaratzerik.
Auziperatuei elkartasuna helarazteko, Euskal Herriak eskatzen duen aldaketaren bidean urratsak eman daitezen eta eskubide politiko eta sozialen alde LABek bat egiten du euskal gaztedia libre eta legala aldarrikatuz Loiolan osatu den herri harresian eta deituko diren mobilizazioaten parte hartzera.
