2024-09-21
HomeZerbitzu PublikoakOsasungintzaLABek Alegin bajan dagoen sedagilea lehen bait lehen ordezkatzea eskatzen du

LABek Alegin bajan dagoen sedagilea lehen bait lehen ordezkatzea eskatzen du

Alegiko Unitatean dagoen egoeraren aurrean, bajan dagoen mediku baten ordezkapen ezarengatik LAB sindikatuak salaketa publikoa egin nahi du.

Alegiko Lehen arretako unitatean gaur egun osasun zerbitzua eskaintzeko, 5 mediku daude eta pediatra bat daude. Alegiko unitate hau Dispertsio handiko Unitatea da, bere baitan: Legorreta- Baliarrain ( mediku bat), Amezketa-Abaltzisketa ( mediku bat), Bidegoian-Albistur-Beizama(mediku bat), Alegia-Ikaztegieta-Bedaio(2 mediku) hartzen ditu. 5 mediku horietatik, 2 oporretan daude eta ordezko bakar bat jarri dute 2 kupoak egiteko.

Beste mediku batek baja hartu du eta lau egunetan ez dute ordezkatuko, beraz, Amezketan dagoen sendagilea bajan dagoen sendagilea da eta ordezko bat jarri beharrean, mediku bat etorriko da ordu terdi kontsulta pasatzera, 10etatik- 11,30tara. Mediku hau gero Bidegoiena joango da, 12etatik 14etara, eta gero mediku hau Alegira joango da 15etatik 17etara. Beraz, dagoen dispertsioa kontutan hartu behar da.

Amezketa-Abaltzisketa eta Bidegoian-Albistur-Beizamako biztanleak medikua behar badute, bere herrian ez dagoen orduan, Alegira joan behar dute eta han dagoen medikuak 3 kupo atenditu beharko du.

Etxera joateko Larrialdiren bat baldin badago, mediku batek, “ lan gutxiago” daukanak, joan beharko du, edozein lekutan dagola ere.

Egoera horrela izanik, eta Alegiko lehen arretako unitatean herri txiki hauetako biztanleek izango duten osasun zerbitzua bermatze aldera LAB sindikatuak bajan dagoen sedagilea lehen bait lehen ordezkatzea eskatzen dugu.

LAB sindikatuak egoera larri honen aurrean eta arduraz jokatuz, Ekialde Eskualdeko Pertsonal buruarekin harremanetan jarri nahi izan du eta ez bera eta ez Zuzendaritzako beste inorekin, ez dugu hitz egiterik izan, eta hitzordua eskatzeko esan digute, ahal duenean biltzeko.

Horregatik salaketa egiten dugu, egoera larri honen aurrean, Osakidetzaren arduragabekeria, berriro ere erakutsiz, berdin zaiola biztanleari ze asistentzia ematen zaion, ze baldintzatan egiten den lana eta ze ondorio larri izan dezaken eguneroko egoera hauek.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.