2024-02-24
HomeFederazioakZerbitzu PublikoakLAB sindikatuak ez du parte hartu gaurko deituta zegoen EAEko Mahai Orokorreko...

LAB sindikatuak ez du parte hartu gaurko deituta zegoen EAEko Mahai Orokorreko bilkuran

Gaurko, Jaurlaritzak Mahai Orokorreko bilkura berria deituta zeukan, eta bertako gai ordenean 35 orduko lanaldia aldatzen zuen dekretuaren puntua ez zegoen. Pasa den ostiralean gai ordena ezagututa, LABek Jaurlaritzari puntua gai ordenean sartzeko eskatu zion gai ordeneko lehen puntu gisa. Jaurlaritzak erantzunik eman ez duenez, eta gai ordenik aldatu ez duenez, LABek gaurko bilkuran parte ez hartzea erabaki du.

Gogora ekarri nahi dugu, aurreko mahai orokorreko bilkuran Jaurlaritzak berak adierazi zuela Gasteizko Parlamentuak onarturiko ez legezko proposamena aztertu behar zuela, dekretua bertan behera uztea eskatzen ziona, eta behin aztertuta, Jaurlaritzak dekretuarekin egin behar zuena mahai orokorrean azalduko zuela. Horregatik, aurreko mahai orokorrean, bertan ordezkaritza dugun 4 sindikatuk mahai horretan gure parte hartzea eten genuen Jaurlaritzak bere jarrera argitu arte.

Jaurlaritzak bere jarrera argitu ez badu ere, lanaldia handitzen duen dekretuaren aplikazioarekin jarraitzen du, eta horren ondorioz enplegu suntsiketarekin segitzen du. Testuinguru honetan LABek bilkuran parte ez hartzea erabaki du, eta horren ordez, Lakuako sarreran kontzentrazioa burutu, Lakuako hallean eserialdia egin, eta mahai orokorra burutzen ari ziren bilera gelaren aurrean bere saleketa azaldu du.

Aurrera begira, LABentzat mobilizazioa da Jaurlaritzaren jarrera alda dezakeena, eta zentzu horretan EAEko funtzio publikoko langileriari deia egiten dio aurrerantzean egongo diren mobilizazioetan parte hartzeko, hurrengo maiatzak 30ean greba orokorra deialdiarekin bat egin dezaten. Aldi berean Jaurlaritzari ere deia egiten dio, inposizio jarreratik mugitzeko, gehiengo sindikalari eta jendarteari entzuteko, eta bere egin dezala Parlamentuak egin dion eskaera. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.