2025-02-09
HomeEkintza SozialaHelduak eta PentsiodunakLAB sindikatuak bat egiten du langabetuen plataformek larunbat honetarako deitutako mobilizazioekin

LAB sindikatuak bat egiten du langabetuen plataformek larunbat honetarako deitutako mobilizazioekin

Hego Euskal Herriko langabetuen plataforma desberdinek (Abian Sankana, Iruñerriko langabetuen kolektiboa, Gipuzkoako eraikuntzako langabetuen kolektiboa eta eskubide sozialen aldeko Berri Otxoak plataforma bizkaitarra) larunbat honetarako Iruñea, Donostian eta Bilbon deituak dituzten mobilizazioei atxikimendua eman nahi die LAB sindikatuak.
Kolektiboko kideek adierazi bezala, Euskal Herrian enplegua sustatzeko, egungo politikak aldaketa behar dute. Bestelako politika batzuren beharra dago, murrizketekin amaitu, bazterketa sozialari aurre egin, eskubide sozialen bermea ziurtatu eta hedatuko duten politikak behar ditugu, aberastasunaren banaketa bultzatuko dutenak.

Konpromisoak har ditzan eta aldarrikapen horiek guztiak bere egin ditzan langabetuen plataformetatik klase politikoari egiten zaion interpelazioarekin bat egiten du LABek eta mobilizazioetan parte hartzeko deia luzatzen die herritarrei, langile guztiei. 

AZKEN ALBISTEAK | ÚLTIMAS NOTICIAS

Gizon batek emakume* bat erail du Irunen

LABetik bat egiten du Euskal Herriko Emakumeen* Mundu Martxak egindako irakurketarekin eta azken honek deitutako mobilizazioetan parte hartzeko deia egiten dugu.

LABek bat egiten du Nafarroako industriaren etorkizuna defendatzeko otsailaren 16rako deitu duten manifestazioarekin

Zortzi mila langile inguru ordezkatzen dituzten Industria arloko zazpi enpresa batzordek, beren lantegietan zein Nafarroa Garaiko ehun industrialean enplegua galtzeko dagoen arriskuaren aitzinean, otsailaren 16an Iruñean nafar industriaren geroaren alde manifestatzera deitu zuten atzo. LAB sindikatuak bat egiten du deialdi horrekin eta, bere aldetik, Nafarroako langileak deitzen ditu mobilizazio horretan masiboki parte har dezaten.

LABek adierazi du aniztasun funtzionaleko langileak langile publikoak direla eta sektorearen publifikazioa eskatu du

3.000 langile ari dira lanean Bizkaiko aniztasun funtzionalaren sektorean, Gorabide, Apnabi, Avifes, Gaude edo Fekoor bezalako enpresentzat. Horiek guztiek zerbitzu publikoa eskaintzen diete aniztasun funtzionala duten pertsonei. Zerbitzu horiek EAEko Gizarte Zerbitzuen Legean jasota daude, eta horien arduraduna Bizkaiko Foru Aldundia da. Gaur egun, zerbitzua erakunde pribatuek kudeatzen dute, Bizkaiko Aldundiarekin egindako hitzarmenen eta diru-laguntzen bidez.