2024-03-05
HomeHauteskunde SindikalakTPE HauteskundeakLAB sindikatak TPE hauteskundeetako bozken kondaketa sistema salatzeko ekimena burutu du

LAB sindikatak TPE hauteskundeetako bozken kondaketa sistema salatzeko ekimena burutu du

Atzo goizean, LABeko militantek marra gorri bat tindatu zuten Ipar Euskal Herriko hiru mugabidetan (Tarnosen, Arbotin eta Mithikilen)  Ipar Euskal Herri eremuan bozak konda eta ordezkaritza maila kondutan har daitezen exigitzeko.

Dakizuenez, heldu den azaroaren 28tik abenduaren 12 arte TPE-tan (11 langile baino gutxiago enpresak) hauteskundeak iraganen dira Akitania mailan. Emaitzen kondaketa Akitania mailan eginen denez, ezin dugu jakin zenbat langilek bozkatu duten LAB Ipar Euskal Herrian eta ordezkaritza maila ito nahi dute.

Bozken kondaketa IEHko eremu sozio-ekonomikoan egin dadin abiatu desmartxek ez dute egundaino emaitzik ekarri :
• administrazioan, Lan Ministeritzako Direccte erakundeak ezinezkoa dela edierazi digu
• Ipar Euskal Herriko beste sindikatek ez dute interesik atzeman, ez baitira guk deitutako bilkurara azaldu
• Garapen Kontseiluak desmartxa ontzat eman eta kondaketa hemen ere egin dadin galdeketa burutuko du

LAB sindikatak, ekimen honen bitartez, gaurko egoera salatu eta Ipar Euskal Herri eremuan bozak konda eta ordezkaritza maila kondutan har daitezen exigitu nahi dugu.

Beste behin ere, egoera honek frogatzen du Ipar Euskal Herriaren egoera kondutan hartuko duen egitura sozio-ekonomikoak behar ditugula !

Euskal Herrian lan eta bizi, BERTAN ERABAKI !

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.