2024-07-20
HomeIdazkaritzakIdazkaritza FeministaLAB: “Oso larria iruditzen zaigu EITBk programarekin aurrera jarraitzearen erabakia oraindik indarrean...

LAB: “Oso larria iruditzen zaigu EITBk programarekin aurrera jarraitzearen erabakia oraindik indarrean mantentzea”

Astelehenean ETBko sindikatu guztiok berdintasun batzordeari bilkura urgentea eskatu genion eta atzo, asteazkenean, egin genuen batzarra. Bilera honen helburua, aurreko igandean “Cuadrilla Busca Cita” emititutako programaren edukien inguruan eztabaidatzen zen.

LABetik argi azaldu genien ez gatozela bat kate publiko batean horrela eduki sexista eta eredu heteropatriarkalean sakontzen duten programaziorik emititzearekin.

LABentzat, programa honek bultzatzen dituen baloreak Emakume eta Gizonen Berdintasunerako legea bera ere urratzen du. Eta urteetan zehar emakumeonganako indarkeriari aurre egiteko egiten ari garen lana atzera bidean kokatzen du.

LABentzat jendartean errotua dagoen eredu heteropatriarkala gainditzea, bestelako baloreak sustatzea eta eskubide berdintasunean oinarritutako jendartea eraikitzea denon ardura da. Kasu honetan gainera, EITBk, kate publikoa izanik, ardura berezia izan beharko luke horretan.

Bestalde, oso larria iruditzen zaigu, besteak beste, Euskal Herriko Mugimendu Feminista, Emakunde, Ehbildu eta, garrantzitsuena deritzoguna, jendartea bera programa honen aurka eta kentzearen alde agertu eta gero, EITBk programarekin aurrera jarraitzearen erabakia oraindik indarrean mantentzea.

Halere, esan behar dugu ere, EITBk atzo mahai gainean ipinitako elementuak kontuan hartuko zituela eta erabakia berriz hausnartuko zutela aipatu zigutela, hortaz espero dugu guretzat hartu daitekeen erabaki bakarra hartzea, igande honetan eta aurrerantzean programa dagoeneko berriz ez emititzea.

Datorren larunbatean Euskal Herriko Mugimendu Feministak deituta eguerdiko 12:00etan EITBren Bilboko eraikinaren aurrean egingo den mobilizazioarekin bat egiten du LABek, eta deialdi berezia egiten diegu Euskal langileei bertan parte har dezaten, patriarkatua oinarri izango ez duen bestelako jendartea eraikitzea denon ardura delako.

Euskal Herria 2014ko ekainaren 19an
 

 

 

AZKEN ALBISTEAK | ÚLTIMAS NOTICIAS

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Gipuzkoako Metalaren merkataritzaren sektorean aurreakordioa erdietsi dute 

Duela urtebete hasi ziren sektoreko gure ordezkariak hitzarmena berritzeko asmo handiko proposamen bat garatzen, bi helburu nagusiekin: Gehiengoa duen sindikatua bultzatu negoziazio mahaia deitu zezan eta patronalak negoziatzera eser zitezen derrigortu.

Arabako egoitzetan premiazkoa da hitzarmen duina

Greba eguna da gaurkoan sektorean, eta goizean kalejira egin dugu Gasteizen, patronalari mugiarazteko exijitzeko eta aldundiak ere esku har dezan eskatzeko. Arratsaldean, 18:00etan, beste hitzordu bat daukagu, Desamparadas plazatik abiatuta.