2024-06-25
HomeEkintza SindikalaLAB, ELA, STEILAS, CCOO eta UGT sindikatuok apirilaren 25eko greban parte hartzeko...

LAB, ELA, STEILAS, CCOO eta UGT sindikatuok apirilaren 25eko greban parte hartzeko deia luzatu diegu Gizarte Ekimeneko langileei

Hala adierazi dugu gaur Bilboko Jesuitak ikastetxearen aurrean lan hitzarmen berrirako edukiak eskatzeko egindako
ordezkarien elkarretaratzean. LAB,ELA, STEILAS, CCOO eta UGT sindikatuok elkarretaratzea egin dugu gaur Bilboko Jesuitak ikastetxearen aurrean. Bertan ehundik gora ordezkari bildu gara.

Lan Hitzarmen berriaren negoziazio mahaia bloketatuta dagoela salatu dugu, patronalek edukien gaineko proposamenik ez dutelako mahai gainean jartzen.

Beraz, patronalen inmobilismoaren aurrean, mobilizazioei ekiteko erabakia hartu dugu. Gaurkoa mobilizazio hauen aurrenekoa izan da. Eta apirilaren 25ean greba deitu dugu. Lan hitzarmen berriaren negoziaketa prozesuan, 13 negoziazio bilera gauzatu ditugu
jadanik. 2022ko maiatzean hasi ziren negoziaketak, ia urte bete pasa da beraz.

Patronalek, ordea, ez dute inolako negoziaketarako borondaterik erakutsi. Are gehiago, jadanik aurreko Lan hitzarmenean lortutako eduki batzuen inguruan atzerapausoak planteatu dizkigute.

Azken negoziaketa mahaia otsailaren 2an izan zen. Bilera hura, hurrengo mahai baterako datarik gabe amaitu zen. Izan ere, Kristau Eskola eta AICE-IZEA patronalek oso argi adierazi zuten ez zutela edukien inguruko proposamenik egingo.

Aldarrikapen nagusiak lan zamak arintzeko neurrietan, sektore feminizatu eta prekarizatuenentzat hobekuntzetan, KPIaren araberako soldata igoeretan, lanpostuak mantentzeko neurrietan eta Lanbide Heziketako edukietan oinarritzen dira. Euskara
planak, berdintasun planak eta lan osasuna eta bereziki arrisku psikosozialak abordatzeko planak ere jomugan ditugu sindikatuok.

Gizarte Ekimeneko aurreko lan hitzarmenaren aldeko prozesuan sektore honetako langileek argi erakutsi genuen gure mobilizazio gaitasuna. Sindikatuok beraz, Lan Hitzarmen berriaren alde mobilizatzera eta borrokatzera deitzen ditugu langileak.

Gaurkoan, apirilaren 25eko greba egunean eta mobilizazioetan parte hartzera animatu ditugu sektoreko langileak.

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.