J.A. Freytter elkarteak Kolonbiako paramilitarismoaren gorakadari, bake prozesuek bizi duten egoerari eta erbesteko biktimek aurre egin beharreko erronkei buruzko nazioarteko aditu nagusiak bilduko ditu Bilbon. Topaketa maiatzaren 15ean izango da EHUko Bizkaia aretoan, J.A. Freytter elkarteak antolatuta eta beste elkarte eta eragile batzuen babesarekin; tartean, LABenarekin.
Hemen, J.A. Freytter elkartearen oharra:
Maiatzaren 15ean, Kolonbiako Estatuaren biktimak eta militarismoaren gorakadari buruzko bigarren nazioarteko mintegia izango da Bilbon, UPV/EHUko Bizkaia Aretoan, J.A. Freytter Elkarteak antolatuta. Jardunaldiaren irekiera Eusko Jaurlaritzako Giza Eskubideen zuzendari den Jagoba Álverez Ereñok, Kolonbiako Bilboko kontsula den Andrés Díaz Lealek eta J.A Freytter Elkarteko eragin politikoko teknikaria den Sebastián Fuentesek egingo dute; aditu sare zabal batekin batera, justizia trantsizionalaz, Estatuaren biktimen paperaz eta Kolonbiako paramilitarismoaren desegiteaz hausnartzeko.
Lehenengo mahai-inguruan, gatazkaren biktimen erbesteratze behartuaren esperientziak, aitorpenerako oztopoak eta justizia eta itzulera prozesuetan pairatu behar dituzten erronkak azalduko dira. Ekimen Elkarteko Olatz Barrenetxeak moderatuko du, eta bertan izango dira Lidia Ortiz, FARC-EPko gerrillari ohia eta erbesteko bake sinatzailea; Claudia Álverez, Medellingo gizarte buruzagia, Orion operazioaren biktima; eta Cristian Leyva, barrialko aktibista eta ikasle aktibista erbestean, muntai judizial batengatik hiru urtez espetxea pairatu ostean absolbitu zuten biktima alegia.
Bigarren saioan gatazken konponbideetako esperientzia juridikoak aztertuko dira, baita Bakerako Jurisdikzio Bereziaren (JEP) zeregina ere. Silvia Gutiérrez Vallejo Bizkaiko Abokatuen Elkargoko Gobernu Batzordeko diputatuak koordinatuko ditu Sandra Rocío Gamboa Kolonbiako Bakerako Jurisdikzio Bereziko (JEP) magistratuaren, Jone Goirizelaia abokatu eta GEBehatokiko Aholku Batzordeko kidearen eta Mary Cruz Ortega Hernández Giza Eskubideetan, Kulturartekotasunean eta Garapenean doktore eta El Bosque Unibertsitateko ikertzailearen (Kolonbia) ponentziak.
“Paramilitarismo gehiagorik ez Kolonbian!”
Jardunaldia Kolonbiako paramilitarismoaren gorakada eta horrek lurralde bakean izan duen eraginari eta behin betiko desegiteko beharrezkoak diren estrategiei eskainitako mahaiak itxiko du. Besteak beste, aditu hauek parte hartuko dute: Lilia Solanok, Gizarte Elkarrizketako ministrorde ohia eta Petroren gobernuko Biktimen Unitateko zuzendariak, erreparazio integraleko, duintzeko eta eskubideak itzultzeko politikak bultzatu zituenak alegia, Sergio de Zubiría Samper, Gatazkaren Batzorde Historikoko kidea eta Biktimen Unitateko zuzendariak, eta Sergio de Zubiría Samperrek, Gatazkaren eta Bere Biktimen Batzorde Historikoko kidea izan zena Habanako elkarrizketetan. Moderatzailea Oihana Etxebarrieta Legrand izango da, Eusko Legebiltzarreko Kolonbiako Bake Prozesuaren Laguntzaile intertaldeko kidea.
Mintegi honekin JA Freytter Elkarteak Kolonbiako gatazkaren biktimen egia, justizia eta erreparazioaren alde Euskaditik egiten dituen lanean jarraitzen du, lanen arloa akademikoa izanik gehienbat. Elkartea 2001. urtean Freytter Romero irakaslea hil ostean sortu zen, oroimen historikoa, pentsamendu kritikoaren defentsa eta paramilitarismoaren desegitea sustatzeko, Kolonbia eta Euskadiren arteko sareak artikulatuz, eta bakearen eta giza eskubideen alde lan eginez. Gaur egun, beste proiektu batzuen artean, Freytter torturatu eta hil zuten Barranquillako (Kolonbia) “La Bodega” dokumentatu, eta giza eskubideen defendatzaileen, unibertsitateko irakasleen eta eskualdeko mugimendu sozialen aldi baterako harrera eta memoria gune bihurtzeko proiektua bultzatzen du.