2026-11-16
HomeIndustriaMetalgintzaJazarpen sindikalaren aurkako epaiketak Eibarren

Jazarpen sindikalaren aurkako epaiketak Eibarren

Atzo, hilak 6, LABek ALFA taldeko zuzendaritzaren eskutik LABeko bi delegatuk jasandako jazarpen sindikalagatik tarteraturiko bi helegiteen epaiketak burutu ziren. ALFAko komitea bertan izan zen zuzendaritzaren jarrera salatzeko. 

Duela hilabete batzuk, ALFA taldeko zuzendaritzak, LAB sindikatuko delegatu bati lan eta soldatarik gabe utzi zuen enpresak gauzatu nahi zituen langileen kaleratzeen kontra ekintza sindikala egiteagatik. Urte hasieran, urtarrilean, Enpresa Batzordeak grebak deitu zituen aipatu kaleratze horien aurka egiteko eta kasu honetan ere zuzendaritzak, LABeko delegatuari, akusazio faltsuetan oinarrituta (mehatxuak etab) zigorra ezarri zion.

Zuzendaritzak urte hasieran ALFA taldeko bi lantokitan kaleratzeak gauzatu zituen eta orain delegatuak lan egiten duen enpresan 41 langile kaleratu nahi ditu, Lan Erregulazio Txosten baten bitartez.

Beste langile bati ere, “kasualitatez”, LABeko afiliatua eta grebalaria, laneko “akats” bat zela eta, santzio bat ezarri zioten eta horren kontra ere sindikatuak helegitea tarteratu zuen. Bi epaiketak atzo burutu ziren Eibarko epaitegian

Zigor guzti hauen helburua, langileei beldurra hezurretaraino sartzea da, zuzendaritzak bere asmoak inongo oposaketarik gabe gauzatu ditzan. Langile asko dira baja egoeran daudenak, egoera honek sorturiko depresio, antsietate etab.en ondorioz. Guzti hau salatzeko ALFA Eibarko Enpresa Batzordeak elkarretaratzea egin zuen Eibarko epaitegi aurrean. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua