2024-05-20
HomeZerbitzu PribatuakMerkataritzaJazarpen sindikala Carrefourren

Jazarpen sindikala Carrefourren

Koldo Fernández LABeko delegatua da Carrefourren azken 25 urteotan. Enpresak espediente zigortzailea ireki ostean kalean utzi du duela urte asko langileen ordezkari honen aurka hasitako gurutzadaren barruan. Eraso hau salatzeko eta zuzendaritzaren jarrera eta langilearen berronartzea eskatzeko LAB kalean izango da.

 

Carrefour Marketen helburua langileen ordezkari hau kaleratzea da. Urteak dabiltza ahaleginetan bere jarduera sindikala dela eta. Dendako arduradun Yolanda Rosado, segurtasuneko langile bat eta dendako kudeatzaile José Javier Muñozen lankidetzarekin, "kobraketa simulazioa" leporatzen diote. Ustezko nahasketa azalduta eta justifikatuta dago, hala ere, aurrera jarraitzen dute inolako frogarik izan gabe.

Dagozkion helegiteak aurkeztuta eta akusazioaren frogak eskatu ondoren, lanik gabe utzi dute.

Carrefourrek ez du enpresan sindikaturik nahi. Ez du nahi inork langileen eskubideak defendatzerik eta bidezkoa dena exijitzerik. Aginduak beteko dituzten esklabuak baino ez ditu nahi enpresak. Urra daitezkeen eskubide guztiak urratzen ditu eta hau ezagutu egin beharko lukete bere bezeroek. Hauek jakin egin behar dute zer nolako enpresari ematen dizkioten irabaziak.

Bat kaleratzen badute, guztiok kaleratzen gaituzte. Ez da erantzunik gabeko erasorik egongo. Ezin dugu onartu langileen kontrako tratu txar hauek doan izatea.

HURRENGO MOBILIZAZIOAK

Abuztuak 19, asteazkena. 12:00etatik 13:00etara Sestaoko Carrefourren (Ibarzaharra poligonoa).

Abuztuak 20, osteguna. 12:00etatik 13:00etara kontzentrazioa Zabalburuko Carrefour Market dendaren aurrean (Nikolas Alkorta z/g) eta 13:00etatik 14:00etara Atxuriko dendan (Santos Juanes plaza, z/g).

Abuztuak 21, ostirala. 19:30etik 20:30era kontzentrazioa Sestaoko Carrefourren.

 

 

 

AZKEN ALBISTEAK | ÚLTIMAS NOTICIAS

00:06:54

Langileen prekaritatea oinarri duen egoera sozioekonomikoa finkatzen ari da

Bizi baldintzen okertze estrukturala esparru ezberdinetan gauzatzen ari da, Ipar Hegoa fundazioak Ikusmiran argitalpenaren 18. alean jasotako datuek erakusten dutenez.

EH Bildu eta Sumar alderdiei kongresuan emendakina aurkezteko eskatu diegu, sektore publikoko soldata eta enplegua EAEn negoziatu daitezen

Estatuko azken hauteskundeetan EAEn ordezkaritza lortu zuten alderdi politiko guztiei sindikatuek egindako gonbidapenaren ondorioz egin dira gaurko bilerak. Gainerako alderdi politikoek gonbidapena ez onartzea edo erantzun ere ez egitea erabaki dute.
00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.