2025-02-10
HomeEkintza SindikalaJai egunetan saltoki handiek irekitzea salatzen dugu eta ez erostera dei egiten...

Jai egunetan saltoki handiek irekitzea salatzen dugu eta ez erostera dei egiten dugu prekarietatea ez bultzatzeko

Nahiz azaroaren 1a jai eguna izan Nafarroan, saltoki handiren batek egun horretan bere ateak irekiko dituela-eta, LAB sindikatuak bere apustua berresten du ezein saltokik ez dezan ireki jai egun edo igandeetan. LABek merkataritza guneei eta saltoki handiei exijitzen die ez irekitzeko eta dei egiten die kontsumitzaileei jaiegunetan eros ez dezaten, ekintza horrekin ari baitira saltoki txikien behin betiko itxiera laguntzen, bai eta egun horietan lan egitera behartuta dauden pertsonen lan baldintzak prekarizatzen ere.

Nafarroako Gobernua zuzenean interpelatzen dugu kontsumo kontzientziazio kanpainak egin ditzan eta legea alda dezan jaiegunetan irekitzea eragozte aldera. Ildo horretan, Gobernuaren, sindikatuen eta hainbat gizarte eragileren artean aliantzak bilatzen segitzen du LABek jaiegunetan jai izan dezagun.

Horregatik guztiagatik, kontsumitzaileei eskatzen diegu azaroaren 1ean ez erosteko, saltoki txikien desagertzean ez laguntzeko eta egun horietan lan egitera behartuak garen langileen prekarietatean ez laguntzeko.
 

 

 

AZKEN ALBISTEAK | ÚLTIMAS NOTICIAS

Bizkaiko eraikuntzako patronalak ez du sektoreko langileen lan-baldintzak hobetzeko inolako asmorik

Gaur, 2025eko otsailaren 10ean, Bizkaiko Eraikuntzaren Sektoreko Hitzarmen Kolektiboa berritzeko 4. negoziazio mahaia izan da.

Lortu dugu! 16 urteren ondoren Haurreskolak Partzuergo Publikoko lan hitzarmena sinatu du LABek

Beste behin borrokak merezi duela baieztatu dugu. Azken urteetan hamaika greba eta mobilizazio burutu ostean, azken biak pasa den urtarrilean eta eskola publikoko greba ziklo honen otsaileko bi greba egunen atarian, Eusko Jaurlaritza posturaz aldatzera behartu dugu.

LABen iritziz urgentea da etxeko langileentzako hitzarmena

LABeko etxeko langileen atal sindikalak, Bizkaiko, Gipuzkoako eta Nafarroako etxeko enpleguarekin lotutako kolektibo eta erakundeekin batera, kaleak hartu ditu berriro ere sektore horretako lan-baldintza jasanezinak salatzen jarraitzeko eta langile horientzako eskubideak aitortzeaz arduratu beharko luketen erakundeen interes falta salatzeko. Hala, mobilizazioa egin du gaur Bilbon, Justizia Jauregiaren aurrean. Bihar asteartea, Donostian mobilizatuko da, Lan Ikuskaritzaren aurrean, eta asteazkenean Iruñean beste horrenbeste egingo du, Udaletxe plazan.