2024-09-19
HomeIrakaskuntzaGizarte ekimeneko ikastetxeakItunpeko Irakaskuntzako liberatuak Hezkuntza Departamentuaren aurrean kontzentratu gara

Itunpeko Irakaskuntzako liberatuak Hezkuntza Departamentuaren aurrean kontzentratu gara

Gaur goizean Itunpeko Irakaskuntzako liberatu sindikalak (LAB, SEPNA, UGT eta ELA) Hezkuntza Departamentuaren aurrean kontzentratu gara Gobernuak langileei ezarri nahi dizkioten murrizketa berriak salatzeko.

Hezkuntza Departamentuak Itunpeko Irakaskuntzako Akordioa berritzen ari den honetan, murrizketa berriak proposatu ditu langileen lan baldintzetan eta zerbitzuko kalitatean, 2017an irakasleen soldatetan %1eko berreskurapen berandutarra finantziatzeko asmoz. Berreskurapen hau sare publikoko langileek 2016ko urtarrilean izan zuten. Itunpeko irakaskuntzako langileek igoera izanen omen dute urtebete beranduago, ez dozenteez ahaztuta, etorkizuneko balizko berreskurapenak ziurtatu gabe eta lan baldintzak okertzearen truke. Departamentuaren hasierako asmoa izan zen dirua patronalen diru poltsatik lortzea, baina babes legalik ez duenez gero, langileei aplikatu nahi dizkio murrizketa berriak. Gogoratu behar da langile hauek, publikoko langileek bezala 2010 eta 2012an murrizketa gogorrak pairatu zituztela. Egoera hau salatzeko pasa zen astean langileen kontzentrazio jendetsua egon zen Parlamentuaren aurrean, eta oraingoan liberatu sindikalak Hezkuntza Departamentuan kontzentratu dira.
 

 

 

AZKEN ALBISTEAK | ÚLTIMAS NOTICIAS

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.