2026-11-19
HomeIndustriaFederazioaIndustrian ematen den prekarietatea salatzeko ere M28an Bilbora

Industrian ematen den prekarietatea salatzeko ere M28an Bilbora

LAB sindikatuko Industria federazioko kideek parodia eta kontzentrazioa egin dute gaur, hilak 20, Donostiako SEPE ren egoitzaren aurrean “Kontratazio berrietan zabor kontraturik ez!” lemapean. Bertan industrain prekarietatea izugarri hedatzen ari dela salatu dute.

Agintari politikoei hamaika bat aldiz entzun izan diegu industriak gure ekonomian duen garrantziaz eta, gainera, industriak sortzen duen enplegua kalitatezko enplegua dela ohartarazten digute.

Aitzitik, industriako langileek pairatzen duten egoera bestelakoa da. Sortzen ari den enplegu berria apurra izateaz gain oso prekarioa da. Industrian egiten diren 10 kontratutik, 9 aldi baterako kontratuak dira. Gainera, sinatu diren aldi baterako kontratuen ia erdiak ez du hilabete bat baino gehiago iraun. Datu honek agerian uzten du sortzen den enpleguaren kalitate eskasa.

ETTak, autonomo faltsuak, lanaldi partzialak, praktiketako kontratuak, azpikontratak, estatu mailako hitzarmenen araberako kontratuak, soldata baxuagoak… eguneroko ogia dira Euskal Herriko industriako langileentzat. Krisiaren aitzakipean zabor kontratu hauek gutxitu beharrean, azken urteetan biderkatu dira gure industrian. Egun salbuespena da aldi osorako kontratua izatea. Industriako langileak, jendarte osoa bezalaxe, salbuespeneko lan egoera batean bizi dira. Ez dago etorkizuneko industriarik, kalitatezko enplegurik gabe. Ezin da enpresetan langileen partehartzeaz hitz egin, langileen lan eskubiderik gabe. Industrian langile pobreen kolektiboa igotzen ari da. Gero eta gehiago dira miseriazko soldaten truke lan egiten duen jendea. Eta hau guztia ez da krisiaren ondorio “natural” bat, erabaki politiko neoliberal batzuen emaitza baizik, lan erreformak tarteko.

Kalitatezko enplegua ez da luxu bat, eskubidea baizik. Kalitatezko enplegua aldarrikatzeko garaia da, langile guztien eskubideak defendatzeko garaia da. Horrela ez gara krisialditik aterako, krisi garaiko ondorioak betikotu egingo dira. Soldata duinak behar ditugu, lan baldintza duinak behar ditugu.

Honengatik guztiarengatik, Industriako federaziotik dei egiten diogu industriako langile guztiei maiatzaren 28an egingo den mobilizazioan parte hartzera.
 

 

 

AZKEN ALBISTEAK | ÚLTIMAS NOTICIAS

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.

Bizkaiko erresidentzien lehen greba egunean 481 milioi euroko aurrekontu partida exijitu diogu aldundiari aurrekontuen negoziaketan

Gaur, azaroak 19, LABeko ordezkariok Bizkaiko Foru Aldundiko alderdi politiko guztiekin bildu gara. Erresidentzia pribatuen egungo ereduaren aurrean, soldatak ekiparatzeko, lan baldintza duinak eta ratioak hobetzeko, 481 milioi euro beharko lirateke egoitza-zerbitzu duina eta kalitatezkoa ahalbidetze aldera. Mobilizazio-ekintza gisa, egoitzetako langileek bide-mozketa egin dute.

Entzutegi Gorenak Michelinen diskriminazioa egon zela ebaztea #LortuDugu

2023an ordaindu zen prima bati dagokion sententzian, langile kolektibo batzuk kanpo utzi izana salatu genuen.