Larunbatean, kontzentrazioa egin zuten Indesako langileek Gasteizko Loma Generalaren plazan, bizi duten soldata-diskriminazioaren aurrean. Indesak gizartetxe eta egoitzetako garbiketa, ospitaleetako arropa garbiketan, egoitza eta eskoletako janaria prestatzen, lorezaintzan eta beste enpresa batzuentzako zerbitzuak eskaintzen ditu. Protestak, LABez gain, enpresan ordezkaritza duten gainontzeko sindikatu guztien babesa izan zuen, ELA, UGT, CCOO, USO eta ESKrena.

Langileen ordezkariek euren egoera salatu zuten. Lehenik eta behin, adierazi zuten langile zuzenei Lanbidearteko Gutxieneko Soldata (LGS) 900 eurotara igo ondoren, enpresak ez duela hitz egin nahi langile espezializatuen kolektiborako igoerari buruz. Kontuan hartu gabe, kategoria hori kaltetuena izan dela eta enpresaren gehiengoa dela.

Bestalde, adierazi zuten langile zuzeneko kategorian aplikatutako LGSaren igoeran ez dela adostutako soldata igoera sartu eta gainerako kategorietan bai aplikatu dela.

Apirilaren 16ko tokiko prentsan Jose Luis Cimiano Ogasun diputatu jaunaren eskutik argitaratu zen Indesak bere zorra zerora murriztu duela. Hau soldata igotze ezak, ordezkapen ezak, makineria falta eta lan kargen handitzearen bitartez lortu dela adierazi zuten, ezintasunen bat duten kolektiboa kaltetuz eta denboran zehar mantentzen den egoera izanik.