2024-06-14
HomeIdazkaritzakIdazkaritza FeministaIndarkeria matxistaren aurka elkarretaratzeak egin dituzte Mecedeseko langileek

Indarkeria matxistaren aurka elkarretaratzeak egin dituzte Mecedeseko langileek


Hildako emakumearen familiari eta lagunei elkartasuna adierazi diete gaur, enpresa batzordeak Gasteizen deitutako protestetan. Mercedeseko LABeko atal sindikalak, bere aldetik, gaitzezpena adierazi du enpresa honetako langile batek Ana Belén Jiménez hiltzeagatik.


 
LABetik, indarkeria matxista erabiltzen duten pertsonek zein jarrerak ez ditugu onartzen, edozein motatakoak izanda.

Enpresa honetan ez ditugu erasotzaileak ezta hiltzaileak nahi.

Aldi berean, indarkeria matxistaren aurkako gure konpromisoa adierazten dugu eta enpresari eskatzen diogu indarkeria matxistaren mota guztiak identifikatzeko formazioa eta indarkeria hori gaitzesten duen baloreetan sentsibilizazioa.

Anaren senide eta lagunei gure elkartasuna adierazi nahi dugu momentu latz honetan.

 

 

AZKEN ALBISTEAK | ÚLTIMAS NOTICIAS

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.

Lan hitzarmen honi ez, irakasleen lan-baldintzak borroka ditzagun

Lau urte luze igaro ditugu Hezkuntza Sail honekin Akordio Arautzaile edo lan hitzarmen berria negoziatu nahian. Baina zoritxarrez ez da borondaterik egon gobernuaren aldetik eduki gehigarriak mahai gainean jartzeko eta ez gara adostasunera iritsi. Hori horrela, ekainaren 13an, Irakasle funtzionarioen mahai sektoriala burutu da, bertan irakasle funtzionarioen lan baldintzak arautzen dituen akordio proposamenaren sinadura izan da gai bakarra. Horrela, funtzioetan dagoen Hezkuntza Sailak amaitutzat eman du orain arte izandako akordio proposamenaren negoziazioa.

Osakidetzako mantentze-lanak pribatizatzeko bi espediente baliogabetu ditugu, horietako bat Euskal Autonomia Erkidegoko Auzitegi Nagusian #LortuDugu

Arabako ESIaren zuzendaritzak Zerbitzu orokorren eraikineko klimatizazio instalazioaren mantentze-lanak, 217.800 euroko balioa dutenak, pribatizatzeko duen asmoak EAEko Justizia Auzitegi Nagusiaren epai batekin egin du topo berriro. Gainera, Kontratuen inguruko Errekurtsoen Administrazio Organoak Arabako ESIko Instalazio elektrikoak egoitzeko eta berritzeko beste espediente bat ere baliogabetu du (290.000 €).