2024-06-25
HomeIrakaskuntzaSukalde eta garbitzaileakIkasturte amaierak eskola-jantokiak aska bihurtzen dituela salatzen du LABek

Ikasturte amaierak eskola-jantokiak aska bihurtzen dituela salatzen du LABek

EAEko Hezkuntza Sailak, Catering enpresekin elkar hartuz, ikasturte amaiera honetan abiatu duen jarduera salatzen du LABek. Ikasturte amaieran, lanaldi jarraitua ezarrita eta bazkaltiarren kopurua urritu denez, eskoletako jantokietan haurrak zaintzen dituzten pertsonen lanaldia murrizteko agindua jaso dute.

Ezarri diren murrizketa hauen ondorioz lanaldiak murriztu direnez, geratzen diren bazkaltiarrak talde jendetsuagoetan biltzen dira eta txandak beharrezko dituen espazio batean pilatzen dira. Jukutria hau erabiliz, txanda bakarrera murrizten dute.

Hezkuntza Sailak agindu du langileen lanaldiak ezin dezakeela bi ordutako zaintza gaindi; hala ere, egiaztatu dugu jantokietako mahaien luze-zabalerak neurtu dituztela ikasleak birkokatzeko, baliabideak optimizatzeko aitzakia pean.

Jarduera hau salatu du LABek, gure jantokiak aska bihurtzen dituelako. Ez dugu onartuko gure ikasleriak burugabekeria honen ondorioak jasan ditzala, are gehiago, gogoan hartzen badugu enpresa hauek ez dutela Lehiakortasun Legea bete, eta horrek 18 milioi eurotako isuna ekarri duela (oraindik ez dute justifikatu nola egingo dioten aurre).

Ez deritzagu onargarri, hezkuntza-helburua onartu beharko litzaiokeen gune hau, administrazioak aparkaleku soiltzat hartzea.

Honen bidez, galdera batzuk egin nahi dizkiegu sail honi eta haren konplizeak diren Catering enpresei. Hau al da gure ikasleei eskaini nahi zaien kalitatea irakaskuntzan, jatorduari loturiko gune eta hezkuntza ekimen honetan? Hau al da, gune honi dagokionez, egokitzat jotzen duten hezkuntza-proiektua? Zein da ikasgelen eta elikatzen diren gelen arteko zatiketaren zergatia ikastetxean?
 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.