2024-03-28
HomeZerbitzu PublikoakZerbitzu SoziokomunitarioaHutsegite larriak antzeman ditugu Arabako Aisialdiaren Lan Hitzarmenaren aplikazioan

Hutsegite larriak antzeman ditugu Arabako Aisialdiaren Lan Hitzarmenaren aplikazioan

Arabako Aisialdiaren Lan Hitzarmenaren indarraldia amaitzeko hiru hilabete falta direnean, LAB sindikatuan bere aplikazioan hutsegite larriak antzeman ditugu. Negoziazio neketsua eta negargarria gogoratu beharra dugu, urtebetez luzatu zena eta sektoreko langileentzako hobekuntza nabariak lortu zituena. Hobekuntza hauek ezartzeko garaian ezerezean gelditu dira, batez ere, Arabako Foru Aldundiak antolatutako kanpamentuak kudeatu dituen KULTURBIDE enpresaren aldetik.

Lan hitzarmena negoziatu zenean, kanpamentuak arautzen zituen artikulua izan zen negoziatzeko zailena. Topatu genuen arazoetako bat disponibilitatearena izan zen, izan ere etxetik kanpo 7tik 14 egunera arte lan egiten baitzuten langileek, adingabeen kolektibo batez eguneko 24 ordutan arduratu beharrarekin.Erabereanjaiegunen,oporren,kalte-ordainen…plusaknegoziatuziren.

KULTURBIDEk, langileen akordio horiek nominetan gauzatu baino, hauek murriztu eta prekaritate egoera larritu egin du. Aipatu enpresak, Aldundiak azpikontratatuta, honen dirua Lan Hitzarmenean jasotako akordioen arabera jasotzen du. Beste era batera esanda, enpresa horrek irizpide horien arabera kobratzen badu eta langileei ez badie zor diena ordaintzen ¿non dago diru hori? Argi dagoena da nominetan behintzat ezetz.

LABetik enpresa hori kontratatzen duen Administrazioari zera exijitzen diogu, negoziatutako lan hitzarmenaren ezarpenaren jarraipena eta ezarpenaren derrigortasuna, bestela kontratatutako langileen prekaritatearen eta esplotazioaren aldeko apustua egiten izango baita. Ordaindu gabeko soldatak erreklamatzeko neurri legalak abiatzeaz gain, hainbat enpresari zehatzen kezka ezari aurre egiteko erantzukizun politikoa egon beharra dagoelakoan gaude.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.