2026-11-16
HomeIndustriaEnergiaHitzarmenaren defentsan lanuzte eta mobilizazioak MESA enpresan

Hitzarmenaren defentsan lanuzte eta mobilizazioak MESA enpresan

Mungian dagoen Manufacturas Electricas S.A. (MESA) enpresako langileek hitzarmenaren defentsan elkarretaratzea egin dute gaur Iberdrola dorrearen aurrean. 2011ko abenduaren 31az geroztik indarra galdua duen hitzarmen kolektiboa berritzeko negoziazioak trabatzen jarraitzen du zuzendaritzak, eta horren aurrean joan den urriaren 5ean hasita astero ordubeteko lanuzteak egiten ari dira langileak.

350 lagun inguru aritzen dira Scheneider Electric multinazional frantziarraren taldekoa den enpresa honetan. Iberdrola dorrean du egoitza, eta bertaraino helarazi nahi izan dituzte enpresa batzorde (LAB, ELA) eta langileen eskariak.

«Egoera honek helburu zehatz bat dauka, gure soldatak MURRIZTU, lanegunak luzatu eta, orokorrean, gure bizi eta lan baldintzak okerrera eraman»
MESA – Mungia
HITZARMENAREN DEFENTSAN!

«Empresa Komiteak, eta baita Langileriaren gehiengoak ere, “Manufacturas Eléctricas” (MESA) enpresaren Zuzendaritzak negoziazio kolektiboaren inguruan indarrean jarri duten BLOKEO estrategia salatu nahi dute.

Nahiz eta langileen ordezkaritzak 2011ko Abenduan iraungi zen hitzarmen kolektiboaren negoziaziorako borondate argia erakutsi, enpresak uko egiten dio behin eta berriz eztabaida bat irekitzeari bere edukien gainean.

Azkenengo lan erreformak eskura jarri dion tresna apartarekin, enpresak erabat argi dauka hitzarmen kolektiboak iraungitze data daukala. 2013ko Uztailaren 7a hain zuzen ere. Eta arrazoi horregaitik ez du inolako interesik hitzarmen hori berritzeko, alderantziz, hiltzen utzi nahi du.

Egoera honek helburu zehatz bat dauka, gure soldatak MURRIZTU, lanegunak luzatu eta, orokorrean, gure bizi eta lan baldintzak okerrera eraman. Gainera gehigarri batekin, hau gertatzen dela etekin haundiak dituen enpresa batetan eta empresa honek, era berean, Grupo Schneider multinazional indartsuaren partea delarik.

Enpresa Komiteak, eta MESAko langilego osoaren elkartasuna bitarteko, hilabetetako blokeo egoeraren ondoren Asanbladan erabaki dute MOBILIZAZIOAK hastea negoziaziorako bideak agortuta daudelarik.

LAB-ELA»

AZKEN ALBISTEAK | ÚLTIMAS NOTICIAS

Leioako Foru Egoitzako langileak grebara doaz lankide falta eta baldintzen okertzea salatzeko

Azaroaren 16an deitu dute greba; izan ere, zuzendaritzak planteatutako langile-kopurua ez da nahikoa, lan-baldintzak okertu egin dira eta zuzendaritzak ez du zentroaren benetako beharrei erantzungo dien lanpostu-zerrenda negoziatu nahi.

Mobilizazioaren indarrak mugitzera behartu du Osakidetza, baina proposamenak oraindik ez dira nahikoa

LAB, SATSE, ELA, CCOO eta UGT sindikatuok balioetsi dugu urriaren 30eko greban profesionalek emandako erantzun irmoak Mahai Sektorialean posizioak mugitzen hastera behartu duela Osakidetzako...

Nafarroako Industria Foru Lege berriak inbertitzaile pribatuak lehenesten dituela kritikatzen dugu, baina ontzat jotzen ditugu jabetza publikoa, deslokalizazioa eta lanaldiarekiko aurrerapenak

Parlamentuak atzo onartutako Industria Foru Lege berriak inbertsio pribatua erraztera bideratuta dago, pizgarri, sinplifikazio administratibo eta kanpoko inbertitzaileak erakartzera bideratutako bestelako neurrien bidez. Hala...