2024-03-28
HomeIrakaskuntzaHezkuntzaHezkuntzak eta Haurreskolak Partzuergoko gerentziak langile guztiak babes ditzatela exijitzen dugu

Hezkuntzak eta Haurreskolak Partzuergoko gerentziak langile guztiak babes ditzatela exijitzen dugu

EAEko Hezkuntza Saila larunbatean Gasteizko Jaurlaritzak eta Madrilgo Gobernuak ezarritako larrialdi-egoerari berandu egokitzeak nahasmena sortu du goziean zehar bai hezkuntza-zentroetan zein Haurreskolak Partzuergoan. Izan ere, ehundaka langile eskoletara joatera behartuak izan dira deialdi orokorra etxean geratzekoa bazen ere: Haurreskolak Partzuergoko hezitzaileak eta bulegoetako langileak, eskoletako hezkuntza-laguntza espezialistak, sukaldari eta garbitzaileak…

Hezkuntza Sailak ez du ebazpen berririk bidali eskoletara ostirala geroztik. Gainera, soilik jasotzen zen irakaslegoari zegokion oharra, ahal zen neurrian irakaskuntza bide telematikoan eskaintzeko, eta zuzendaritzaren esku geratzen zen -hori bermatu ezin zenean- langileak ikastetxera joatea ala ez. Haurreskolak Partzuergoan nahasmena sortu eta gainerako langileen inguruan hitz bat ere ez zuen argitu agiriak

Gauzak aldatu dira asteburuan, eta bai Jaurlaritzak zein Madrilgo Gobernuak larrialdi-egoera ezarri dute. Hala ere, gaur Hezkuntza Saileko hainbat langile lanpostuetara joatera behartuak izan dira: Haurreskolak Partzuergoko hezitzaileak eta bulegoetako langileak; baita eskoletako pertsonal laborala, hezkuntza-laguntzako espezialistak, sukaldari eta garbitzaileak. Are gehiago, azkenengo kolektibo honetan ordezkapen kontratu batzuk moztera heldu dira. Eskoletako zuzendariek ez dakite zein jarrera hartu eta Haurreskoletako koordinatzaileek beraiek ez dute jarraibiderik jaso gaur eguerdia arte.

Jakin berri dugu Haurreskolak ixteko agindua heldu zaiela koordinatzaileei, baina kudeaketako langileentzat berranketolaketa lana baino ez da aipatzen. Argi dugu neurri berri hauek langileen presioagatik hartu dituztela.

LABek hasiera hasieratik eskola guztiak ixteko eta langileak babesteko deia egin du, baita hartu beharreko neurriek lan-eskubideen murrizketa ekar ez dezatzen ere. Oraindik ez dakigunean Hezkuntza languntza espezialistak eta sukaldari eta garbitzaileak zein egoeretan dauden borrokan jarraituko dugu langile guztiak etxean egon arte.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.